«Dziń-dziliń: Para hulać u kazki» — niadziela, 19 lutaha

Prezientacyja aŭdyjodysku kazak Siarhieja Vituški.

Prezientacyja aŭdyjodysku «Dziń-dziliń: para hulać u kazki» z kazkami ad Siarhieja Vituški dy śpievami ad udzielnikaŭ prajektu projdzie 19 lutaha (niadziela) ŭ 14:00 u minskaj kniharni «łohvinaŬ» (pr. Niezaležnaści, 37a).

Pra prajekt. Viadomyja vykanaŭcy, paety i piśmieńniki, aktory, artysty i adzin dypłamat uziali ŭdzieł u sumiesnym prajekcie internet-partału Tuzin. FM dy Biełaruskaha Radyjo Racyja «Dziń-dziliń: para hulać u kazki». Prajekt składajecca z 12 kazak aŭtarstva Siarhieja Vituški ŭ vykanańni viadomych u Biełarusi asobaŭ i pryśviačajecca ŭsim tym, chto vieryć u svaje siły, niezaležna ad uzrostu j abstavinaŭ.

Trek-list prajektu «Dziń-dziliń: para hulać u kazki»:

Aleh Chamienka — Załatoje jaječka

Hanna Chitryk — Vadzica žyvaja-miortvaja

Lavon Volski — Jak Dzied-Maroz novaje śviata prydumaŭ

Adam Hlobus — Kazka na Dzień horadu

Źmicier Vajciuškievič — Kazačka na vierbnuju niadzielku

Tamara Lisickaja — Kazačka na Dzień Śviatoha Valancina

Andrej Chadanovič — Vilniuś

Aleś Kamocki — Kazačka pra Cmoka Bazyliška

Stefan Eryksan — Na Kupalle

Uładzimier Arłoŭ — Kazka pra Hierb

Zinaida Bandarenka — Kazka pra Himn

Siarhiej Sokałaŭ-Vojuš — Kazka pra Ściah.

***

Siarhiej Vituška — piśmieńnik, historyk, aktor, žurnalist, adzin ź lideraŭ niefarmalnaha moładzievaha ruchu ŭ 80-ch hadach. Kiravaŭ supołkaj «Tałaka», jakaja zajmałasia achovaj pomnikaŭ historyi i architektury, adradžeńniem narodnych śviataŭ, ładziła ekalahičnyja akcyi i kulturnyja mierapryjemstvy, zmahałasia za stvareńnie biełaruskich klasaŭ i škoł. Z 1991 hodu žyvie ŭ Vilni, braŭ udzieł u stvareńni biełaruskaj himnazii, dzie pracavaŭ nastaŭnikam. Vymušany byŭ spynić aktyŭnuju dziejnaść praz prablemy sa zdaroŭjem. U 2011 hodzie była vydadziena kniha kazak jaho aŭtarstva «Dziń-dziliń: Para hulać u kazki».

Kamientary da artykuła