«Bajła marena!» ŭ Pałacy Respubliki

16.04.2012 / 12:57

JUU

17 krasavika Zucchero prezientuje ŭ Minsku novy albom.

Lehiendarny italjaniec Zucchero pryvozić u Minsk novy albom z nazvaj Chocabeck! («Ščoŭkać dziubaj»).

Italija — kraina vielmi muzyčnaja, adnak «rokavyja» 70-ja jak byccam prajšli mima jaje.

Pryhadać rok-śpievakoŭ ź Italii nie praściej, čym opiernych śpievakoŭ z Ekvadora. Italjanski śpiavak Adelma Farnačary, bolš viadomy jak

Zucchero, — ledźvie nie adzinaje vyklučeńnie z praviła.

Jaho tvorčaść spałučaje ŭ sabie kłasičnuju italjanskuju miełodyku i rytm-n-bluzavy napor, jaki śpiavak adšlifavaŭ u Kalifornii.

Hety kaktejl zahučaŭ tak, što karyfiej muzyki «soŭł» Rej Čarłz zmušany byŭ nazvać Zucchero adnym z najlepšych bluzmenaŭ, ź jakim davodziłasia pracavać.

Chity Zucchero nie źnikajuć ź biełaruskich fm-radyjostancyj. Dakładniej, chit.

Ciažka znajści radyjosłuchača, jaki ni razu ŭ žyćci nie čuŭ Baila Morena.

U kampanii z Zucchero ihrali takija roznyja ludzi jak Džon Li Chukier (chto-chto, a jon viedaŭ, z kim pracavać), Majłz Devis, Łučana Pavaroci, Šerył Kroŭ i Ihi Pop. Apošni, darečy, prykłaŭ ruku i da novaj kružełki Zucchero, jakuju śpiavak prezientuje ŭ Minsku 17 krasavika. Hety kancert — redki vypadak, kali ŭ adnoj zale źbiarucca i amatary italjanskaj muzyki (tyja, što prychodziać na Tota Kutuńja i i Al Bana) i amatary bluzu, i rokiery. U takoj siamji «ščoŭkać dziubaj» dakładna nie daviadziecca.

Praŭda, kvitki kaštujuć niasłaba: ad 190 tysiač da miljona rubloŭ.

Čytajcie taksama:

Kamientary da artykuła