Miedyki zmahajucca za žyćcio eks-premjera Litvy Prunskienie

Miedyki respublikanskaj Vilenskaj univiersiteckaj balnicy sprabujuć stabilizavać stan zdaroŭja staršyni Litoŭskaj narodnaj partyi Kazimiery Prunskienie. Pa dadzienych Delfi,

paśla apoŭdnia miedykam udałosia spynić praces acioku mozhu, adnak pačalisia prablemy z sercam.

«Mnie apošni raz telefanavali kala hadziny abo kala pałovy druhoj i skazali, što aciok spyniŭsia, pačalisia prablemy z sercam. Bolš ničoha nie viedaju. Sam praces acioku mozhu spynieny, praviedziena apieracyja, ale pačalisia prablemy z cercam», — skazała siabar siamji K.Prunskienie.

Stan eks-premjera Litvy Kazimiry Prunskienie ŭ paniadziełak uviečary pahoršyŭsia, jana była pieravieziena ŭ inšuju balnicu.

Jaje mozh pačaŭ aciakać, i spatrebiłasia niejrachirurhičnaje ŭmiašańnie, tamu K.Prunskienie pieravieźli ŭ Vilenskuju ŭniviersiteckuju balnicu chutkaj dapamohi, u jakoj pracujuć mocnyja niejrachirurhi.

Fakt špitalizacyi paćvierdziła pres-pradstaŭnik hetaj balnicy Vanda Hryhalunienie.

Pavodle jaje słoŭ, miedyki nie buduć kamientavać stan pacyjentki — takaja vola blizkich K.Prunskienie.

Nahadajem, što ŭ niadzielu Kazimira Prunskienie była špitalizavana ŭ Santaryškskuju kliniku, dzie ŭ jaje dyjahnastavali insult.

***

Kazimira Prunskienie (pry naradžeńni Stankievič/litoŭskaje — Stankievičute) naradziłasia 26 lutaha 1943 hoda ŭ Śviancianskim paviecie.

K.Prunskienie źjaŭlajecca padpisantam Akta ab niezaležnaści Litvy, była pieršym prem'jer-ministram niezaležnaj Litvy. Pasadu prem'jer-ministra jana zajmała z sakavika 1990 pa studzień 1991 hoda,

adnak jaje dziejnaść palityki aceńvajuć nieadnaznačna.

Zaraz K.Prunskienie ŭznačalvaje Litoŭskuju narodnuju partyju, raniej jana była staršynioj Sajuza sialan-narodnikaŭ, da hetaha była siabram partyi Novaj demakratyi i Žanočaj partyi.

Na praciahu ŭsioj palityčnaj karjery K.Prunskienie adčuvała cień mahčymaha supracoŭnictva z KDB,

adnak palityk zaŭsiody admaŭlała suviazi z savieckimi śpiecsłužbami,

Kamientary da artykuła