«Čytajem Kupału razam» — 22 sakavika

20.03.2012 / 17:13

Ała Dražyna

Šmat čym admietnyja biełarusy siarod narodaŭ śvietu, ale najpierš ich adroźnivaje mova — skarb, jaki ŭvabraŭ u siabie ŭsio bahaćcie i raznastajnaść duchoŭna-kulturnaj spadčyny Biełarusi. Hetkim skarbam, niesumnienna, źjaŭlajecca i słova Kupały, jaho paetyčnaja dumka, enierhietyka dušy i serca. Dziaržaŭny litaraturny muziej Janki Kupały ŭ ramkach Hoda knihi, Kupałaŭskaha jubilejnaha hoda praciahvaje hramadska-kulturnuju akcyju «Čytajem Kupału razam». Prajekt byŭ padtrymany pradstaŭnikami Respublikanskaha hramadskaha savieta pa spravach kultury i mastactva pry Saviecie Ministraŭ Respubliki Biełaruś, rabotnikami bujnych pradpryjemstvaŭ krainy, nastaŭnikami i vučniami škoł Minska, studentami i vykładčykami staličnych VNU.

22 sakavika, a 18-j hadzinie vieršy narodnaha paeta Biełarusi prahučać z vusnaŭ ludziej roznych prafiesij i ŭzrostaŭ, siabroŭ i partnioraŭ Dziaržaŭnaha litaraturnaha muzieja Janki Kupały (vuł. Kupały, 4):

supracoŭnikaŭ Departamienta achovy Centralnaha rajona h. Minska, firmy «Kansultant», dyrektara škoły, psichołaha, navučencaŭ linhvahumanitarnaha kaledža, falkłornaha hurta «Kviecień», hałoŭnaha redaktara haziety «LIM» Taćciany Siviec, akciora i režysiora Biełaruskaha radyjo Aleha Viniarskaha, bardaŭ Alesia Kamockaha i Siarhieja Antonava.

Uvachod volny.

Čytajcie taksama:

Kamientary da artykuła