Pieramožca «Załatoj litary» — Siarhiej Chareŭski

Z knihaj «Sto tvoraŭ XX stahodździa. Narysy pa historyi mastactva i architektury Biełarusi najnoŭšaha času».

Premija zasnavanaja ŭ 2004 hodzie. U roznyja hady joju ŭznaharodžvalisia Aksana Biaźlepkina, Uładzimir Arłoŭ, Sieviaryn Kviatkoŭski, Siarhiej Chareŭski, Andrej Fiedarenka, Leanid Hałubovič.

Na «Załatuju litaru — 2011», pavodle śpisu Hłobusa, pretendavali 10 knih:

1. Jan Maksimiuk. «Słovy ŭ hołym poli» (ese).
2. Siarhiej Kalenda. «Iržavy pakoj ź biełymi špalerami» (proza).
3. Lavon Volski. «Miłaruś»(proza).
4. Maryja Martysievič. «Ambasada» (paezija).
5. Artur Klinaŭ i Volha Archipava. «Biełaruski avanhard 80-ch» (albom).
6. Siarhiej Chareŭski. «Sto tvoraŭ XX stahodździa» (narysy).
7. Pavał Kaściukievič. «Zbornaja RB pa niehałoŭnych vidach sportu» (proza).
8. Aleś Bialacki. «Litaratura i nacyja» (artykuły).
9. Arnold Makmilin. «Piśmienstva ŭ chałodnym klimacie» (artykuły).
10. Uładzimir Łobač. ULASLOVY (vieršy).

U finał vyjšli:

1. Lavon Volski. «Miłaruś» — 13%;
2. Aleś Bialacki. «Litaratura i nacyja» — 20%;
3. Siarhiej Chareŭski. «Sto tvoraŭ XX stahodździa» — 67%.

Adam Hłobus takim čynam prakamentavaŭ vyniki internet-hałasavańnia: «Ja zhodny z vynikami. Pryčym, dva razy ja staviŭ hałasavańnie, i dva razy jano pakazvała Siarhieja Chareŭskaha — «Sto tvoraŭ XX stahodździa. Narysy pa historyi mastactva i architektury Biełarusi najnoŭšaha času». Pryčym, pieramoha čakanaja. Niekalki hadoŭ tamu ja davaŭ premiju taksama jamu, ale jon jaje padzialiŭ ź Sieviarynam Kviatkoŭskim. I Siarhieju dastałasia tolki pałova. Ja paličyŭ, što kali čałavieku dastajecca pałova, to ničoha strašnaha, kali ja vyłuču jaho druhi raz. I praciah knižki, jakaja atrymała ŭžo pałovu, i dadadak da jaje atrymajuć druhuju pałovu».

Navina pra pieramohu zaśpieła Siarhieja Chareŭskaha ŭ Vilni: «

Heta kniha nie tolki pra mastactva i nie tolki pra mastakoŭ, kolki pra los našaj radzimy, pra los ludziej. Tut ceły ružaniec losaŭ samych roznych ludziej, roznych nacyjanalnaściaŭ, jaki skłaŭsia ŭ XX stahodździ ź imi.

Tradycyjna premija «Załataja litara» ŭručajecca 25 sakavika. Cyrymonija adbyvajecca ŭ adnoj z mbnskich kaviarniaŭ.

Kamientary da artykuła