Smak, koler i vodar malenstva

31.03.2012 / 14:10

Adkryćcio vystavy Hanny Silivončyk — 3 krasavika ŭ halerei «Univiersitet kultury» (Kastryčnickaja pł., 1). 17.00.

Ad 3 da 17 krasavka ŭ mastackaj halerei «Univiersitet kultury» (Pałac Respubliki) projdzie vystava Hanny Silivončyk «Začyniena na abied».

Adkryćcio tvorčaści Hanny Silivončyk — nibyta dzivosnaja znachodka, nakštałt toj, kali ŭ dziacinstvie znachodziš u šafie niaŭličany baćkami słoik vareńnia sa ślivaŭ. Uzbudžanyja ŭsie receptary, uzhadvajecca smak, koler i asablivy vodar malenstva, u jakim źmiašalisia sałodkaje z kisłavatym, jarkaje z pastelnym, imklivy palot z začaravanym łunańniem.

Navat samo proźvišča chočacca pasmakavać — Si-li-vončyk. Jak ladziaš ci zacukravanuju višańku.

Žyvapis mastački spałučaje žanočaje kakiectva i jarkaja dziciačuju niepasrednaść, jamu adnolkava ŭłaścivyja fiłasofskija chitrasplacieńni i ščyraja emacyjnaść.

Tolki z samych-samych śviežych ŭražańniaŭ, žyvych pačućciaŭ, samych śvietłych i čystych dumak, duchmianych mroj, sałodkich mar, spakuślivych letucieńniaŭ, jaskravych fantazij i nasyčanych vitaminami farbaŭ stvaraje Hanna Silivončyk svaje karciny.

Padobnaje mastactva heta nie tolki asałoda dla vačej, ale i pažytak dla rozumu.

Vystava tvoraŭ Hanny Silivončyk raźmieścicca ŭ troch załach halerei «Univiersitet kultury».

Ekspazicyja takim čynam simvalična padzialajecca na pieršaje, druhoje i desiert

, dzie tvory mastactva padadzieny jak vytančanyja stravy i raskošnyja dalikatesy, najsmačniejšyja prysmaki, pikantnyja zakuski, apietytnyja łasunki — sapraŭdnaje zadavalnieńnie dla hurmana.

Na adkryćci vystavy, pryadčyniajučy dźviery svajoj mastackaj kuchni, aŭtar padzielicca z hledačami receptami majsterstva i «kulinarnymi sakretami».

Halereja pracuje: 11.00 — 19.00. Vychodnyja: niadziela, paniadziełak. Uvachod volny.

* * *

Hanna Silivončyk naradziłasia ŭ 1980 u Homieli. Skončyła Biełaruski mastacki licej imia Achremčyka i Biełaruskuju akademiju mastactvaŭ pa śpiecyjalnaści stankavy žyvapis. Ad 2008 źjaulajecca siabram Biełaruskaha sajuza mastakoŭ. Udzielnica šmatlikich respublikanskich i mižnarodnych vystaŭ, kala dvaccaci piersanalnych. U 2009 uznaharodžanaja miedalom «Talent i pryznačeńnie» mižnarodnaha fonda miru i zhody. Tvory znachodziacca ŭ Nacyjanalnym mastackim muziei, Muziei sučasnaha vyjaŭlenčaha mastactva, Muziei sučasnaha ruskaha mastactva Džersi Sici (ZŠA), fondach Homielskaha pałacava-parkavaha ansambla (Homiel, Biełaruś), Jełabužskim dziaržaŭnym muziei-zapaviedniku (Jełabuha, Rasija), pryvatnych kalekcyjach Biełarusi, Rasii, ZŠA, Izraila, Hiermanii, Polščy, Kitaja.

Čytajcie taksama:

Kamientary da artykuła