Prezientacyja knihi Alaksandra Tamkoviča «Pieraadoleńnie»
Ofis pa pravach ludziej ź invalidnaściu i Alaksandr Tamkovič zaprašajuć na prezientacyju knihi «Pieraadoleńnie». Jana prachodzić z 15.00 da 17.00 u halerei sučasnaha mastactva «Ŭ» (MInsk,pr-t Niezaležnaści, 37a).
Pra hierojaŭ svajoj novaj,
«Najpierš chaču zaprasić kaleh i asabliva źviarnuć ich uvahu na hetuju knihu, bo ŭsie jaje 12 hierojaŭ — invalidy, jakija pieramahajuć svaju chvarobu. Mnohija ź ich buduć na prezientacyi, niahledziačy na toje, što, pa sutnaści, „žyvuć“ u vazkach. Abiacali pryjechać navat tyja, što žyvuć davoli daloka ad Minska…
Kali ja pracavaŭ nad hetaj knihaj, uvieś čas ździŭlaŭsia niezvyčajnamu rytmu žyćcia hetych ludziej, ich pracazdolnaści, mužnaści, prazie da žyćcia. Ź niekatorymi mnie davodziłasia sustrakacca pa niekalki razoŭ. Z adnym navat — čatyry. Pryčyna — u nievierahodnaj zahružanaści. Čas ad času navat nie vieryłasia, što pierada mnoj mocna chvoryja ludzi…
Urazili ŭsie razmovy, a adna navat zasmuciła. Hutarka pra haradzienca Antona Śviakłu, u jakoha atrafiravanyja ŭsie ciahlicy. Intervju mnie jon „nastukaŭ“ (na kłavijatury kampjutara) ustaŭlenym ŭ zuby ałoŭkam…
Pra kožnaha z hierojaŭ ja mahu raspaviadać vielmi doŭha, ale liču, što lepš usio pačuć i ŭbačyć na prezientacyi».