U Minsk jedzie suśvietna viadomaja Kapela ze Wsi Warszawa
Razam z polskimi muzykami na scenu KZ "Minsk" vyjdzie etna-trya "Troica".
Ekspansija polskaj muzyčnaj kultury ŭ Minsku, arhanizavanaja biełaruskaj PANstudyjaj, praciahvajecca. Z dapamohaj Polskaha Instytuta ŭ Minsku i fondu imia Adama Mickieviča "panam" udałosia “zavabić” u biełaruskuju stalicu suśvietna viadomy polski etna-hurt Kapela ze Wsi Warszawa.
“Pa-raniejšamu nas biantežyć toj dziŭny fakt, što pra kulturu anhłasaksonskuju, kulturu rasijskuju i amierykanskuju my viedajem bolej, čym pra kulturu, jakaja pačynajecca praz 350 kiłamietraŭ ad našaj stalicy, - tłumačyć ideju ekspansii hałoŭny Pan “studyi” Źmicier Saładucha. - I nam vielmi prykra, što taja vialikaja polskaja kultura, jakaja ŭpłyvała na farmavańnie i raźvićcio biełaruskaj kultury, nam amal nie znajomaja”.
Biełaruskim adkazam Kapela ze Wsi Warszawa stanie vystup etna-trya “Troica”. Abodva hurty syhrajuć na scenie KZ “Minsk” 3 červienia.