The Stokes prezientujuć u Minsku albom

4 maja. Kłub «Centr» (Kastryčnickaja, 1). 19.00.

Hurt The Stokes jedzie pa Biełarusi z novaj prahramaj «Naiznanku» («Navyvarat»), u ramkach jakoj prahučać pieśni roznych hadoŭ i kampazicyi z novaha alboma. Kancert u Minsku adbudziecca 4 maja ŭ kłubie «Centr».

Heta budzie pieršaja pajezdka The Stokes pa rehijonach Biełarusi za apošnija 6 hadoŭ — roŭna stolki prajšło z času adjezdu kalektyvu na PMŽ u Maskvu. Akramia stalicy ŭ hrafiku značacca Viciebsk, Navapołack, Homiel, Hrodna i Brest, piša Tut.by.

— Heta taki kankretny rok-n-rolny tur — my voźmiem instrumienty, siadziem ŭ mikraaŭtobus i vypravimsia padarožničać pa krainie, — kaža lider hurtu Alaksiej Stoks. — My zrabili jaho, tamu što nam vielmi zachaciełasia choć by na tydzień viarnucca ŭ tyja biesturbotnyja časy, kali važna było prosta vystupać i atrymlivać zadavalnieńnie ad kantaktu z publikaj. Dy i prosta cikava pahladzieć, što adbyvajecca vakoł.

Hrupa The Stokes płanuje vykarystać majski tur pa Biełarusi nie tolki dla kancertaŭ —

Film budzie ŭjaŭlać saboj nabor partretaŭ ludziej, čyja tvorčaść i praca źviazanyja z rok-muzykaj. Heta buduć muzyki, žurnalisty, arhanizatary fiestyvalaŭ i hitarnyja majstry.

«My nie bačym sensu pierakazvać suchuju historyju biełaruskaha rok-n-rołu, -= kaža lider hurta Alaksiej Stoks. — Nam cikavyja žyvyja ludzi — ich uspaminy, razvažańni, emocyi. Pryčym nie tolki viadomyja niejkija piersanažy. Naprykład, u Połacku žyvie hitarny majstar Valera Ivaščanka — mała chto viedaje, što zroblenyja im instrumienty karystajucca vialikim popytam u ZŠA. I takich prykładaŭ šmat».

Asnovaj filma stanuć zdymki ŭ roznych haradach Biełarusi, što dazvolić adlustravać rok-muzyku ŭ nacyjanalnym maštabie.

«Časta, kažučy pra biełaruski rok, usio zvodziać da taho, što adbyvajecca ŭ Minsku. Mnie, jak vychadcu z Navapołacka, jak čałavieku, jaki pabačyŭ niamała vydatnych hrup ź inšych haradoŭ, heta niezrazumieła.

My chočam adlustravać biełaruski rok mienavita jak nacyjanalnuju, a nie vyklučna staličnuju źjavu»,

Niešta ŭ filmie, napeŭna raskažuć i sami The Stokes — łaŭreaty «Rok-karanacyi 1996», jakija ad 2006 hoda žyvuć i vystupajuć u asnoŭnym u Rasii.

Hrafik kancertaŭ:

1 maja — Viciebsk, «Čierdačok»

2 maja — Navapołack, DK Budaŭnikoŭ

4 maja — Minsk, «Centr»

5 maja — Homiel, HCK

6 maja — Hrodna, «Oficieroff»

7 traŭnia — Brest, «Sici»

Kamientary da artykuła