PIKNIK.BY: ad Paliny da fanku
30 červienia na chutary Šabli — vialiki muzyčny fiestyval.
Abvieščanaja data adnaho z samych značnych oŭpen-ejraŭ hetaha leta — festyvalu «PIKNIK.BY», jaki ładzicca pab-kłubam «Hrafici» pry infarmacyjnaj padtrymcy internet-partału Tuzin.FM.
30 červienia na chutary Šabli (Vałožynski rajon) vystupiać samyja roznyja ajčynnyja vykanaŭcy — ad Paliny Respubliki da stałych rezydentaŭ Funk on Fridays. Vystupami muzykaŭ dy dy-džejaŭ dzieja nie abmiažujecca.
Ideja maštabnaha oŭpen-ejru z udziełam biełaruskich vykanaŭcaŭ paŭstała ŭ suviazi z viatkavańniem 10-hodździa kłuba «Hrafici». Tady ŭ 2009 hodzie na chutary Prudavoje pad Minskam prajšoŭ pieršy «Piknik», jaki staŭ adnoj z hałoŭnych muzyčnych padziejaŭ taho leta. Sioleta vyrašana było viarnucca da idei takoha fiestyvalu.
«Nam chočacca zrabić nie prosta kancert na śviežym pavietry, a zładzić mierapryjemstva z masaj muzyki, tematyčnych zonaŭ, majstar-kłasaŭ.U tym i adroźnieńnie našaha fiestyvalu ad padobnych, što pravodziacca ŭ miežach našaj krainy. My stavim na raznastajnaść i ŭ takim farmacie, na žal, u nas bolš nichto nie pracuje», — kaža adzin z arhanizataraŭ festu «PIKNIK.BY» Nik Matoryn.
Adna z razynak festu — scena «Tuzin. Unplugged», dzie vystupiać udzielniki sumiesnaha prajektu internet-partału Tuzin.FM, kampanii «Budźma biełarusami» i pab-kłuba «Hrafici».
Na hety momant svoj udzieł u fiestyvali paćvierdzili hurty
Akute, Chiefs Band, The UNB, RSP, Botanic Project, Palina Respublika, «Adys Abieba», «Harotnica», «Nahual», užyvuju taksama pradstaviać svoj sumiesny prajekt Diamos Roll i Rusia,vystupiać pastajannyja rezidenty Funk on Fridays dy, naturalna, Papa BO. Śpis vystupoŭcaŭ budzie papaŭniacca.
Akrom muzyčnaj častki, płanujecca zładzić kaljan-zonu, vystavy, fotaekspazicyi.
Achvočyja mohuć pahulacca na 8- i 16-bitnych prystaŭkach, a taksama ŭ nastolnyja hulni, fryśbi, badminton, valejboł. Miarkujeccca padčas fiestyvalu zładzić škoły teatrałaŭ, tancoraŭ i kapaejry.Abiacajecca taksama kinateatr pad adkrytym niebam, šapiki z raznastajnymi samarobnymi cikavostkami dy šmat jašče čaho cikavaha.
Arhanizatary zaprašajuć da supracy tvorčych ludziej i vałancioraŭ.Źviartacca možna na elektronnuju skryniu alena@graffiti.by ci na skype diskoteq.