29 i 30 maja — Siarhiej Žadan u Minsku
Prezientacyja pierakładu jaho ramanu «Anarchija va Ukrainie» — 29 maja, kniharnia «Łohvinaŭ», 19.00.
Redki vypadak: Siarhiej Žadan — zorka ŭkrainskaj litaratury — pryjedzie ŭ Minsk na prezientacyju pierakładu ramana Anarchy in Ukr.
Siarhiej Žadan, vydatny paet i prazaik, nastolki «ŭchapiŭ za chvost» atmaśfieru postsavieckichi našaha času, što ciapier90-ch
zajmaje druhoje paśla Tarasa Šaŭčenki miesca pa kolkaści pierakładaŭ na biełaruskuju,a rasiejcy dahetul pieražyvajuć, što Žadan — ukrainiec: dva hady tamu jahony «Kapitał» ledź nie staŭ «najlepšaj rasiejskaj knihaj hoda», u apošni momant zaŭvažyli, što heta pierakład.
Anarchy in Ukr zajmaje ŭ biblijahrafii Žadana asablivaje miesca (chacia, pa ščyraści, tak možna kazać pra lubuju jahonuju knihu) —
nie ŭsie čakali, što Žadan pačnie dzialicca svaimi dziciačymi ŭspaminami, uzhadvać aranžavuju revalucyju, padčas jakoj byŭ kamiendantam charkaŭskaha łahiera (adnak razvahi pra revalucyju ŭ Žadana — heta chutčej razvahi pra svabodujak katehoryju, «navat kali Svaboda — heta čechasłavacki hienierał»). Padarožžy pa machnoŭskich miescach, źnikłyja pano z vyjavami Lenina na vakzale, lubimyja płaścinki, pad jakija možna padarožničać z kryšnaitami, pić adekałon, zajmacca seksam i spraŭlać chaŭtury, opierny teatr jak «nie tvaja tema» i šmat inšaha. U «Anarchii» Siarhiej Žadan staŭ bolej razvažlivym, u čymści navat sientymientalnym, što paśla łahična praciahvajecca ŭ jahonaj apošniaj knizie «Varašyłaŭhrad» — vialikaha knižnaha chita 2010 hoda.
Sustrečaŭ u Minsku budzie dźvie, abiedźvie projduć u kniharni «Łohvinaŭ» (Niezaležnaści, 37a). 29 maja — prezientacyja biełaruskaj viersii ramana «Anarchija va Ukrainie». Udzieł voźmie i pierakładčyk Aleś Žłutka, viadzie imprezu Andrej Chadanovič. Pačatak, a19-j . Uvachod volny.30 maja projdzie, jak zajaŭlajuć arhanizatary, «rafinavanaja» sustreča z Žadanom i hutarka ŭ formie intervju. Pačatak, a
17-j . Uvachod taksama volny.