«Moŭnyja sustrečy» ŭ Minsku
29 maja. «ART Siadziba» (Kujbyšava, 22, 2 pavierch). 18.30.
U «ART Siadzibie», što mieścicca nad staroj prachadnoj zavoda «Haryzont», adnavilisia štoaŭtorkavyja «Moŭnyja sustrečy». Biełaruskija movaznaŭcy dy historyki, abjadnanyja ŭ Anamastyčnaj kamisii TBM, abmiarkoŭvajuć z maładymi słuchačami prablemy biełaruskich imionaŭ, nazvaŭ i naahuł biełaruskaje movy.
Tydzień tamu movaznaŭca, ambasadar Piotra Sadoŭski razvažaŭ na temu «Imiony i nazvy jak składnik nacyjanalnaj identyčnaści». Pytańni nakštałt takoha — «Jak sumiaścić katalickija, pravasłaŭnyja j dachryścijanskija tradycyi ŭ imienasłovie. Palijatyvy dy kampramisy» — vyklikali vialikuju ŭvahu aŭdytoryi.
Siońnia, 29 maja, historyk Ivan Sacukievič (siabra Minskaj haradskoj kamisii pa najmieńni j pierajmienavańni vulicaŭ) raspaviadzie pra «Imiony starych minskich pradmieściaŭ».Nahadajem, što sp. Sacukievič rehularna ładzić dla achvočych papularnyja i niebanalnyja «afłajnavyja» ekskursii pa nasyčanych histaryčnaj tapanimijaj minskich rajonach.
U nastupny aŭtorak u «ART Siadzibie» vystupić movaznaŭca, staršynia Anamastyčnaj kamisii Vincuk Viačorka. Jahonaja tema — «Tranślitaracyja i biełaruskaja łacinka ŭ našych pašpartach, na mapach i naahuł u žyćci».Nieŭzabavie tamsama adbudziecca i
Sustrečy pačynajucca, a 18:30. Adras «Art Siadziby»: Kujbyšava, 22, budynak handlovaha doma «Haryzont», 2 pavierch.