Siońnia ŭ Minsku — sabantuj
Čakajecca bićcio harškoŭ i baraćba na pajasach.
U Minsku ŭ centralnym parku imia Horkaha 23 červienia projdzie narodnaje tatarskaje i baškirskaje śviata "Sabantuj". Haściej śviata buduć vitać artysty z Tatarstana i Baškarstana, a taksama hramadskich abjadnańniaŭ Biełarusi.
Projduć spartyŭnyja i nacyjanalnyja hulni. Ich udzielniki mohuć pasprabavać siabie ŭ biehu z karomysłam, bojcy miachami na biervianie, a taksama paspaborničać u bićci harškoŭ, pieraciahvańni kanata i biehu ź jajkam u łyžcy.
Zavieršacca spabornictvy pajadynkam pamiž udzielnikami spabornictva pa tatara-baškirskaj nacyjanalnaj baraćbie "Kureš» (tradycyjny vid sportu ŭ ciurkskich narodaŭ -- baraćba na pajasach).