Rekanstrukcyja boju Vajny 1812 h. projdzie ŭ Hrodnie 21 lipienia

Rekanstrukcyja boju Vajny 1812 hoda z udziełam biełaruskich i rasijskich histaryčnych kłubaŭ projdzie ŭ Hrodnie 21 lipienia da 200-hodździa vajny, paviedamili ŭ adździele ideałahičnaj raboty Hrodzienskaha harvykankama.

U hety dzień Hrodna pieraniasiecca ŭ daloki 1812 hod. U abłasnym centry projduć mierapryjemstvy, pryśviečanyja hadavinie vajny. Tak, na starych mohiłkach pa vuł. Antonava adbudziecca cyrymonija ŭskładańnia kvietak da pomnika hieroju vajny 1812 hoda, kamandziru Polskaha konnaha pałka Siarhieju Łanskomu. Na centralnych vulicach horada (Savieckaj i Zamkavaj) možna budzie sustreć ułanaŭ, drahunaŭ, husaraŭ i konnych jehieraŭ. Va ŭnutranym dvoryku Novaha zamka ŭ druhoj pałavinie dnia razhorniecca 4-hadzinny teatralizavany pakaz — ilustracyja staronak historyi vajennaha pieryjadu. Jaho pradoŭžyć kancertnaja prahrama z udziełam ansamblej narodnaj i kłasičnaj muzyki, vykanaŭcaŭ ramansaŭ.

Hrodziency i hości horada zmohuć sfatahrafavacca z udzielnikami rekanstrukcyi bajoŭ, naviedać mastackija i fotavystaŭki, pryśviečanyja napaleonaŭskamu pieryjadu.

Viečaram na placoŭcy kala Kurhana Słavy adbudziecca hałoŭnaje mierapryjemstva — histaryčnaja rekanstrukcyja adnoj ź viadomych bitvaŭ Vajny 1812 hoda.

Arhanizataram mierapryjemstvaŭ vystupajuć Hrodzienskija abłvykankam i harvykankam, Hrodzienski dziaržuniviersitet imia Ja.Kupały i ŭdzielniki prajekta «Žyvaja historyja».

Kamientary da artykuła