Ekałahičny dyskusijny kłub u Hrodnie
Dyskusijny kłub, pryśviečany temie ŭpłyvu hramadskaści na vyrašeńnie pytańniaŭ ekałohii i achovy navakolnaha asiarodździa, 23 lipienia ładzić Hrodzienskaje hramadskaje abjadnańnie «Centr “Treci siektar».
Jakuju spadčynu my pakiniem svaim naščadkam, jakim pavietram buduć dychać našyja dzieci i ŭnuki, jakuju vadu pić? Ci niasuć žychary našaha horada adkaznaść za brudnyja lasy i bierahi vadajomaŭ? Rovar – srodak dla adpačynku ci ekałahičny vid transpartu? Jak biez zabojstvaŭ ačyścić vulicy ad badziałych žyvioł? Ci hatovyja ŭłady prysłuchoŭvacca da prapanovaŭ, paradaŭ i mierkavańniaŭ haradziencaŭ? Ci isnujuć efiektyŭnyja miechanizmy ŭpłyvu na vyrašeńnie ekałahičnych prablem?
Pra heta pojdzie havorka pad čas dyskusijnaj placoŭki.
Arhanizatary taksama prapanujuć abmierkavać paśpiachovyja prykłady mižnarodnaha i biełaruskaha dośviedu ŭpłyvu hramadskaści na vyrašeńnie ekałahičnych prablem.
Ekśpierty: Iryna Suchij – staršynia Rady hramadskaha abjadnańnia «Ekadom», Minsk; Jarasłaŭ Biekiš – kaardynatar 3 hrupy Foruma hramadzianskaj supolnaści Uschodniaha partniorstva, udzielnik tavarystva Zialonaja Sietka i siabra hramadskaha abjadnańnia «Čystaja vada», Minsk.
Maderatary dyskusii Łana Rudnik, Vitaŭt Rudnik (HA «Centr “Treci siektar», h. Hrodna).
Da ŭdziełu zaprašajucca žurnalisty miascovych i rehijanalnych ŚMI, pradstaŭniki dziaržaŭnych i hramadskich ekałahičnych arhanizacyj i inicyjatyvaŭ, a taksama ŭsie, kaho cikaviać pytańni achovy navakolnaha asiarodździa ŭ horadzie.
Achvotnych pryniać udzieł u dyskusii prosim telefanavać pa teł. 8(029) 7830-845. Pačatak u 18 hadzin.