U Kalinkavickim rajonie projdzie Fiestyval humaru «Aŭciuki-2012»

Siomy Usiebiełaruski fiestyval humaru «Aŭciuki-2012» projdzie 27–28 lipienia ŭ Kalinkavickim rajonie, u vioskach Vialikija i Małyja Aŭciuki.

Jak paviedamili ŭ pres-słužbie Homielskaha abłvykankama, mierapryjemstva pačniecca ŭ Małych Aŭciukach z adkryćcia muzieja-siadziby humaru. Siadziba składajecca z dvuch častak: muzieja historyi Aŭciukoŭ i kulturnaj častki, dzie buduć vystupać kalektyvy i pracavać vystavy. Adkryvać muziej buduć nietradycyjna — pierapiłoŭvajučy bierviano, a nie razrazajučy čyrvonuju stužku.

U Małych i Vialikich Aŭciukach projdzie konkurs padvorkaŭ, kancert, uznaharodžańnie pieramožcaŭ (u liku padarunkaŭ — parasiaty, kury i inš.), fiejervierk i dyskateka.

28 lipienia fiestyval humaru praciahniecca na centralnaj płoščy i ŭ parku Kalinkavičaŭ. Vystupiać prafiesijnyja i amatarskija kalektyvy, buduć pracavać handlovyja rady, vystavy dekaratyŭna-prykładnoha mastactva, humarystyčnych pałos rajonnych haziet, mastakoŭ-humarystaŭ, šaržystaŭ. Adbuducca tradycyjnyja konkursy «aŭciukoŭskaj juški», futbolny matč pamiž mužčynskaj i žanočaj kamandami.

Usiebiełaruski fiestyval humaru pravodzicca ŭ Aŭciukach z 1995 hoda. Apošni adbyŭsia ŭ 2008 hodzie.

Kamientary da artykuła