Prezientacyja manahrafii pra katolikaŭ Homielščyny — 7 vieraśnia

7 vieraśnia 2012 (piatnica) u 19.30 u Homielskim kaściole Naradžeńnia Najśviaciejšaj Panny Maryi adbudziecca prezientacyja knihi Uładzimira Vaśkova «Katoliki na abšarach Panizoŭja i Sievierščyny. Historyja Homielskaha dekanata», vydadzienaj u vydaviectvie «Pro Chrysto».

Manahrafija U. Vaśkova — unikalnaje vydańnie pa historyi Homiela i vobłaści ŭ aśpiekcie ŭźniknieńnia i raźvićcia katalictva. Aŭtar, uradženiec Homielščyny, jaki amal 20 hadoŭ žyvie i pracuje ŭ Tule (Rasija), zdoleŭ pakazać cikavuju, zachaplalnuju i časta trahičnuju historyju katolikaŭ na ŭschodzie sučasnaj Homielskaj vobłaści. Afarmleńnie knihi, bahata ilustravanaj kalarovymi i čorna-biełymi vyjavami, hłybinia viedaŭ aŭtara pa temie daśledavańnia, a taksama forma i jakaść padadzienych u joj histaryčnych materyjałaŭ robiać jaje adnoj z najlepšych knih pa historyi Homiela i ŭschodniaj Homielščyny.

Kniha budzie cikavaja ŭsim amataram krajaznaŭstva i historyi relihii na paŭdniovym uschodzie Biełarusi.

Jaŭhien Malikaŭ, historyk, kandydat mastactvaznaŭstva

Kamientary da artykuła