Tito & Tarantula jeduć u Minsk

8 kastryčnika ŭ kłubie Dozari

8 kastryčnika ŭ Minsku ŭpieršyniu adyhraje kancert hurt Tito & Tarantula, viadomy ŭ pieršuju čarhu tym, što ich pieśni hučali ŭ filmach Kvencina Tarancina («Ad zachodu da śvitańnia») i Robierta Radryhiesa («Adčajny»).

Kvencin Tarancina zaŭždy słaviŭsia tym, što ŭ svaje saŭndtreki padbiraŭ tolki sapraŭdy vartuju muzyku, adradziŭšy cikavaść da Daści Sprynhfiłd i Čaka Bery. Adnak hurt Tito & Tarantula nielha nazvać vyklučna adkryćciom režyjora — Cita Łaryva vystupaŭ ź siabrami ŭ kłubach Łos-Andželesa z 1992 hoda. Majučy łakalnuju papularnaść, hurt pačaŭ zapisvacca, a kali ŭ 1997 hodzie «strelili» abodva filmy ź ich udziełam, Tito & Tarantula stali suśvietna viadomymi.

Pa muzyku dla filmaŭ da hurtu źviartalisia Vim Venders i Olivier Stoŭn, sam Łaryva źniaŭsia ŭ šerahu filmaŭ, samy viadomy ź jakich — «Hatel miljon dalaraŭ».

Jak i naležyć sapraŭdnym kalifarnijcam, Tito & Tarantula spałučajuć u svajoj muzycy chard-rok i bluz, stoŭner i łacinskuju muzyku.

Kancert hurtu adbudziecca ŭ viadomym minskim kłubie Dozari, a vośmaj viečara 8 kastryčnika. Košty na kvitki ad 400 tysiač rubloŭ da miljona. Ź inšaha boku, rok-muzyka takoha kštałtu i musić hučać u kłubach, a nie na stadyjonach.

Kamientary da artykuła