Hieneralny sakratar Rady Eŭropy: vybary ŭ Biełarusi nijakim čynam nielha nazvać demakratyčnymi
Hieneralny sakratar Rady Eŭropy Tery Devis zrabiŭ zajavu z nahody prezydenckich vybaraŭ u Biełarusi, paviedamlaje radyjo «Svaboda».
Hieneralny sakratar Rady Eŭropy Tery Devis zrabiŭ zajavu z nahody prezydenckich vybaraŭ u Biełarusi, paviedamlaje radyjo «Svaboda».
(Devis: ) «Prezydenckija vybary ŭ Biełarusi projduć u atmasfery strachu i pahrozaŭ. U krainie niama sapraŭdnaj svabody vykazvańnia. Palityčnyja apanenty prezydenta šmatrazova i hvałtoŭna pieraśledvalisia. Jakim by ni byŭ vynik vybaraŭ, hetyja vybary nijakim čynam nielha nazvać demakratyčnymi» – skazaŭ hieneralny sakratar Rady Eŭropy Tery Devis napiaredadni vybaraŭ.
(Devis: ) «Łukašenka nibyta maje sapraŭdnuju narodnuju padtrymku. U takim vypadku jon nie pavinien byŭ by bajacca vyprabavać svaju papularnaść u ramkach svabodnych i spraviadlivych vybaraŭ. Rada Eŭropy hatovaja dapamahčy jamu, kali ŭ budučyni jon zachoča pravieści takuju pravierku.
Što datyčyć hetaj niadzieli, elementu niepradkazalnaści amal niama, ale jość vialikaja zaniepakojenaść. Rada Eŭropy budzie ščylna nazirać za padziejami ŭ dzień vybaraŭ i paśla ich.
Biełaruś – adzinaja eŭrapiejskaja kraina, jakaja nie źjaŭlajecca siabram Rady Eŭropy, i ja tolki mahu spadziavacca, što chto by nie pieramoh na hetych vybarach, my budziem vykarystoŭvać svoj mandat, kab pryblizić Biełaruś bližej da eŭrapiejskaha siamiejstva volnych i demakratyčnych narodaŭ.
Mahčyma, heta hučyć zanadta aptymistyčna, ale aptymizm, taksama jak i praha svabody, zanadta ŭpartaja reč, kab jaje možna było ŭciskać na praciahu doŭhaha času.