Garbage pryviazuć u Minsk novy albom

13 listapada, Pałac sportu.

Adzin z hałoŭnych hurtoŭ 90-ch — Garbage (na minskich afišach jany nazyvajucca «Habidž», što dosyć sprečna) — upieršyniu adyhraje kancert u Biełarusi.

Reč nie tolki ŭ čaroŭnym hučańni vakała Šyrli Mensan i ŭ tym, što hurt talenavita pakpiŭ z pop-muzyki 90-ch, stvaryŭšy novy styl, jaki sami muzyki nazyvajuć «navuko-fantastyčny pop».

Sakret papularnaści jašče i ŭ pačućci miery — za 20 hod isnavańnia, Garbage zapisali ŭsiaho piać albomaŭ, ale zatoje jakich!

Pieśni Stupid Girl i Only Happy When It Rains čuli badaj što ŭsie — dakińcie da hetaha chit ajčynnaha fm-efiru The World is not Enough z čarhovaha filma pra Bonda. I stanovicca zrazumieła, čamu hetaja muzyka nie źnikła razam ź niekatorymi hierojami 90-ch.

Apošnim časam jany vandrujuć pa płaniecie z prezientacyjaj novaha alboma — Not Your Kind of People, jaki vyjšaŭ minułaj viasnoj.

Ciapier muzyki dabralisia i da Minska — vialiki kancert Garbage adbudziecca 13 listapada ŭ Pałacy sportu. Kvitki ad 350 000 da 770 000 rubloŭ.

Kamientary da artykuła