Сабака бывае шалёны, кручаны ці бешаны — як казалі ў вашай вёсцы? КАРТА
Істоту, хворую на Rabies virus, называюць шалёнай — шалёны сабака, шалёная ліса. Літаратурная норма спынілася на такім варыянце. Але ў розных частках Беларусі для азначэння гэтай з'явы выкарыстоўвалі розныя словы.
Шалёны, кручаны, бешаны і нават дурны — вось асноўныя варыянты.
На карце, якая была апублікаваная ў Дыялекталагічным атласе беларускай мовы, добра відаць гэтыя рэгіянальныя адрозненні.
* * *
А як казалі ў вашай вёсцы? Адказвайце ў каментарах, указваючы свае мясціны.