Štraf, departacyja, IČU. Jak raniej abychodzilisia z tymi, chto sprabavaŭ prarvacca praź miažu
Niezakonnyja sproby pierasiekčy miažu zdaralisia i raniej. Tolki biełaruskija pamiežniki dziejničali inakš. Zhadali, što pahražała ludziam, jakija sprabavali patrapić u Jeŭropu ŭ abychod prapusknoha punkta.
U žniŭni minułaha hoda ŭ Hrodzienskim rajonie spynili dvuch hramadzian Kuby. Jany pryjechali z Maskvy ŭ Minsk, adtul u Hrodna i na taksi dabiralisia da miažy, kab patrapić u Polšču. Na mužčyn zaviali administracyjnyja spravy za sprobu niezakonnaha pierasiačeńnia miažy i parušeńnia pamiežnaha režymu (artykuły 23.29 i 23.30 KoAP). Paśla skančeńnia raźbiralnictva ich čakała departacyja ź Biełarusi.
U studzieni ŭ Voranaŭskim rajonie kala vioski Drabišuny zatrymali žychara Lidy, jaki išoŭ da miažy. Kali jon na prośbu pahraničnikaŭ admoviŭsia spynicca i staŭ uciakać u les, tyja zrabili papiaredžvalnyja vystrały ŭ pavietra.
Maładoha čałavieka zatrymali. Raspačali administracyjnuju spravu za sprobu niezakonnaha pierasiačeńnia miažy i niepadparadkavańnie.
Padobnyja padychody pracavali jašče niadaŭna. U mai za tydzień zatrymali niekalki hrup zamiežnikaŭ. Tak 9 maja na ŭčastku zastavy «Siamionaŭka» spynili čatyroch hramadzian Hviniei, jakija kiravalisia ŭ Polšču. Na zastavie «Pryvałka» ŭ toj ža dzień zatrymali hramadzian Kot-dJIvuara — jany sprabavali niezakonna patrapić u Litvu.
U Brasłaŭskim rajonie 11 maja zatrymali 25 zamiežnikaŭ (ź Iraka i Turkmienistana) na mašynach, jakija płanavali niezakonna trapić u Litvu. Z saboj u ludziej byli navihatary, mabilnyja telefony, pradukty i adzieńnie.
Jak paviedamlaŭ dziaržapahrankamitet, «matyvam staŭ pošuk lepšaha žyćcia ŭ Jeŭrasajuzie».
U adnosinach zamiežnikaŭ tady pačali administracyjny praces. Ludziej čakali bujnyja štrafy i departacyja z zabaronaj ujezdu ŭ Biełaruś na piać hod.
Toje ž pahražała piaciom hramadzianam Iraku, jakich spynili ŭ červieni ŭ Voranaŭskim rajonie kala zastavy «Dociški». Da vyśviatleńnia abstavin mužčyn źmiaščali ŭ IČU Lidskaha pahranatradu.
Ciapier, jak bačym, supracoŭniki orhanaŭ supravadžali, a nie spyniali natoŭp mihrantaŭ, jaki kiravaŭsia ŭ bok miažy.
Čytajcie taksama:
Bolš za 2000 mihrantaŭ sprabujuć prarvacca praź biełaruska-polskuju miažu. Što tam adbyvajecca? ANŁAJN
Novaje abvastreńnie na miažy: što nie tak z arhumientami łukašenkaŭcaŭ?
Jak tysiačy mihrantaŭ udałosia adnačasova dabracca da miažy i arhanizavacca ŭ kałonu? Pytańni pa situacyi na miažy, na jakija pakul niama adkazu
Ciapier čytajuć
«Ja supracoŭnica KDB, u vas buduć prablemy». Minčanka chacieła napisać skarhu ŭ optycy, ale supracoŭnica pakazała koračku14
Kamientary