Łatvija paprasiła pastajannaj vajskovaj prysutnaści ZŠA na svajoj terytoryi. Pientahon pakul nie kamientuje hetuju zajavu
Kab strymlivać Rasiju i ŭmacavać abarončy patencyjał, łatvijski ministr abarony Arcis Pabryks zajaviŭ pra nieabchodnaść mižnarodnaj dapamohi. Pradstaŭnik abaronnaha viedamstva ZŠA Anton Siemiełrot pakul nie hatovy ničoha skazać pra rašeńnie, paviedamlaje TASS.
U paniadziełak ministry zamiežnych spraŭ krain-udzielnic NATO źjechalisia ŭ Ryhu na naradu pa biaśpiecy. Krainy ŭstryvožanyja tym, što Rasija druhi raz za hod ściahvaje vojski da miežaŭ z Ukrainaj, a taksama zaniepakojenyja padziejami na miažy ź Biełaruśsiu.
«Napad na adnaho z sajuźnikaŭ — heta napad na ŭsich sajuźnikaŭ», — zajaviŭ Hienieralny Sakratar NATO Jens Stołtenbierh.
Jon paabiacaŭ, što siły NATO «buduć pilnymi i hatovymi ŭ luby čas pryjści na dapamohu svaim sajuźnikam».
U paniadziełak Łatvija paprasiła ab mižnarodnaj dapamozie, pastajannaj vajskovaj prysutnaści ZŠA i zajaviła, što choča ŭmacavać svoj abarončy patencyjał pry dapamozie amierykanskich rakiet Patriot.
Pakul Pientahon nijak nie prakamientavaŭ prośbu Łatvii ab pastajannaj vajskovaj prysutnaści ZŠA i ab pastaŭcy rakiet Patriot.
Jens Stołtenbierh praviadzie naradu ministraŭ zamiežnych spraŭ krain-udzielnic NATO ŭ aŭtorak i sieradu.
Ciapier čytajuć
Staŭ viadomy prysud eks-pamočniku Łukašenki Iharu Bryło3
Kamientary