Rasijskija prystavy pa zapycie biełaruskaha boku spahaniajuć z Anžaliki Ahurbaš bolš za $80 tysiačaŭ
Sprava tyčycca 2018 hoda, kali Ahurbaš zaklučyła z «Biełkaapsajuzam» damovu ab prodažy 49 adzinak futraŭ. Da červienia 2020 hoda jana pavinna była viarnuć toje, što nie pradała, adnak nie zrabiła hetaha.
Ekanamičny sud horada Minska ŭ červieni 2021 hoda pastanaviŭ, što Anžalika Ahurbaš pavinna viarnuć kampanii «Biełkaapźniešhandal Biełkaapsajuza» 49 adzinak tavaru, jakija jana pavinna była pradać u Maskvie.
«Biełkaapsajuz» spačatku sprabavaŭ vyrašyć pytańnie z Ahurbaš u dasudovym paradku, adnak kali heta nie atrymałasia, nakiravaŭ spravu ŭ sud. Isk byŭ zadavoleny. Ahurbaš na pracesie nie prysutničała.
U vyniku spačatku rasijskija sudovyja prystavy naličyli sumu ŭ bolš jak 198 tysiač rasijskich rubloŭ (na toj momant kala $2755). A ciapier vyrašana spahnać asnoŭny košt niaviernutaha tavaru. Pavodle źviestak Biełkaapsajuza, Ahurbaš tak i nie ŭdałosia pradać futravyja vyraby, paviedamlaje Office Life.
Prablemy ŭ śpiavački pačalisia paśla taho, jak jana padtrymała pratesty 2020 hoda. U Biełarusi na jaje zaviedzienaja kryminalnaja sprava za abrazu Łukašenki i «raspalvańnie varožaści». Jaje abviaścili ŭ vyšuk, byli dopyty ŭ Rasii, adnak u RF jaje nie zatrymlivali.
Jak biełaruskija pratesty źmianili losy akcioraŭ i śpievakoŭ
Ciapier čytajuć
Rasijskija i łukašenkaŭskija śpiecsłužby na fonie zalotu dronaŭ u Polšču praviali infaataku. Jaje zładžanaść daje padstavy dumać, što zalot byŭ spłanavany1515
Kamientary