Internet i ŚMI

Hair Challenge, Headspace, TikTok. Jakija prahramy ŭ 2021-m nabirali karystalnikaŭ najchutčej

Pa źviestkach kampanii pa manitorynhu mabilnych prahram App Annie, ludzi ŭ śviecie ciapier traciać u siarednim 4,8 hadziny ŭ dzień na svaje mabilnyja telefony, pieradaje Bi-bi-si. Jašče dva hady tamu na heta išło na tracinu mienš času.

U spravazdačy App Annie ukazvajecca, što ŭ 2021 hodzie roznyja prahramy byli zahružanyja 230 miljardaŭ razoŭ, na heta było vydatkavana 170 miljardaŭ dalaraŭ. TikTok u 2021 hodzie zahružali čaściej za ŭsio, karystalniki pravodzili tam na 90% bolš času ŭ paraŭnańni z 2020 hodam.

Manitorynhavaja firma zrabiła prahnoz, što da lipienia hetaha hoda kolkaść aktyŭnych karystalnikaŭ TikTok pieravysić 1,5 miljarda ŭ miesiac.

«Vialiki ekran pavolna pamiraje, pakolki mabilnyja pryłady praciahvajuć bić rekordy praktyčna va ŭsich katehoryjach: zatračany čas, zahruzki i dachody», — tłumačyć vykanaŭčy dyrektar App Annie Teador Kranc.

Siaredni čas, jaki zatračvajecca na mabilnyja prahramy, skłaŭ 4 hadziny 48 chvilin, što na 30% bolš, čym u 2019 hodzie, havorycca ŭ spravazdačy App Annie. Hety pakazčyk byŭ raźličany na dziesiaci rynkach, uklučajučy Indyju, Turcyju, ZŠA, Japoniju, Mieksiku, Sinhapur i Kanadu. Karystalniki ŭ Brazilii, Indaniezii i Paŭdniovaj Karei pryśviačajuć mabilniku ŭ siarednim navat bolš za piać hadzin u dzień.

Z hetaha času 7 chvilin z kožnych 10 byli vydatkavany na sacyjalnyja sietki, prahramy dla fota i videa, pryčym TikTok lidziravaŭ, havorycca ŭ spravazdačy.

Takija ličby — niadziva, bo ŭ 2021 hodzie było zapuščana ažno dva miljony novych mabilnych prahram i hulniaŭ, a kolkaść prahram, jakija zarabili bolš za 100 miljonaŭ dalaraŭ, vyrasła na 20%, havorycca ŭ spravazdačy.

YouTube byŭ samaj papularnaj stryminhavaj videaprahramaj va ŭsim śviecie, nabraŭšy bolš za miljon zahruzak u 60 roznych krainach.

Netflix zaniaŭ druhoje miesca ŭ mnohich rehijonach.

Mabilnyja hulni taksama vyraśli — ludzi vydatkavali na ich 116 miljardaŭ dalaraŭ.

Asablivaj papularnaściu karystałasia toje, što ŭ spravazdačy nazyvałasia hipierkazualnyjami hulniami, takimi, jak Hair Challenge, u jakich hulcy pavinny paźbiahać stryžki vałasoŭ, Bridge Race, u jakoj hulcy źbirajuć cehłu i budujuć leśvicy.

Niekatoryja z tendencyj, vyjaŭlenych u daśledavańni, adlustroŭvajuć bolš šyrokija źmieny, asabliva ŭ tym, jak pandemija źmianiła ład žyćcia ludziej. Naprykład, ludzi tracili šmat času na prahramy dla zakupaŭ — bolš za 100 miljardaŭ hadzin pa ŭsim śviecie, pryčym samymi chutkimi tempami raśli Sinhapur, Indaniezija i Brazilija.Taksama naziraŭsia vielizarny rost prahram dla dastaŭki praduktaŭ i napojaŭ, takich jak UberEats i Grubhub. Pavodle daśledavańnia, kolkaść sieansaŭ u takich prahramach vyrasła da 194 miljardaŭ u 2021 hodzie, što na 50% bolš, čym u papiarednim hodzie.

Prahramy dla zdaroŭja i fitnesu taksama demanstravali rost, bo pandemija pryviała da taho, što ludzi nie zaŭsiody mahli naviedvać trenažornyja zały abo pravodzić hrupavyja zaniatki fizkulturaj.

Vyrasła patreba karystalnikaŭ i ŭ prahramach, jakija adkazvajuć za psichičnuju raŭnavahu, tak, prahramy dla miedytacyi Headspace i Calm akazalisia asabliva papularnymi, asabliva siarod moładzi, — jany ŭ piaciorcy samych zahružanych prahram u 2021 hodzie, rost skłaŭ 27%.

Vydatki na prahramy dla znajomstvaŭ pieravysili 4 miljardy dalaraŭ, što na 95% bolš, čym u 2018 hodzie.

Kamientary

Ciapier čytajuć

«Buduć siadzieć. Navat kali ŭ piać, dziesiać razoŭ bolš budzie». Łukašenka nie źbirajecca spyniać represii, choć Koŭł i prosić36

«Buduć siadzieć. Navat kali ŭ piać, dziesiać razoŭ bolš budzie». Łukašenka nie źbirajecca spyniać represii, choć Koŭł i prosić

Usie naviny →
Usie naviny

Sabalenka schadziła na matč NBA pamiž «Łejkiers» i «Džaz». «Łejkiers» prajhrali paśla dzieviaci pieramoh zapar2

Lavon Volski prezientavaŭ klip na pieśniu «Lekar ačuniaj» VIDEA1

Prync Hary zajaviŭ, što viarnuŭsia b u vojska, kab zmahacca z Rasijaj2

Premjer Aŭstralii padčas pasiadžeńnia z Pucinym zapatrabavaŭ ad jaho nieadkładna spynić «svaju vajnu»

Biełaruski dobraachvotnik debiutuje ŭ prafiesijnym boksie

«Babula taksama hnała». Biełarus pierajechaŭ u Polšču i praciahnuŭ zajmacca samahonavareńniem, choć heta zabaroniena4

«Ja adčuvaju siabie durniem». Iłan Mask paškadavaŭ pra hrošy, što addaŭ na padtrymku respublikancaŭ13

Pucin, Tramp i Si pryniali «dekłaracyju ab miry», raskrytykavali ŭ joj Haahski trybunał14

U Minsku ŭ naziemnym hramadskim transparcie možna apłacić prajezd bankaŭskaj kartkaj2

bolš čytanych navin
bolš łajkanych navin

«Buduć siadzieć. Navat kali ŭ piać, dziesiać razoŭ bolš budzie». Łukašenka nie źbirajecca spyniać represii, choć Koŭł i prosić36

«Buduć siadzieć. Navat kali ŭ piać, dziesiać razoŭ bolš budzie». Łukašenka nie źbirajecca spyniać represii, choć Koŭł i prosić

Hałoŭnaje
Usie naviny →

Zaŭvaha:

 

 

 

 

Zakryć Paviedamić