Vaŭki zahryźli lubimaha poni kiraŭnicy Jeŭrakamisii Ursuły fon der Lajen
Vaŭki zahryźli lubimaha poni kiraŭnicy Jeŭrakamisii Ursuły fon der Lajen u čaćvier viečaram, razarvaŭšy jaho na pašy ŭ Burhdorf-Bajnchornie ŭ niamieckaj ziamli Nižniaja Saksonija, usiaho za sto mietraŭ ad doma siamji, paviedamlaje Bild.
Trup žyvioliny byŭ znojdzieny ŭ piatnicu ranicaj mužam jeŭrapiejskaj čynoŭnicy Chajka fon der Lajenam. Jašče adzin poni, jaki paśviŭsia na pašy, zastaŭsia cełym.
Ursuła fon der Lajen, apantanaja vieršnica, zajaviła, što «ŭsia siamja žudasna zasmučanaja hetaj navinoj».
Kiraŭnica Jeŭrakamisii žyvie va ŭłasnym asabniaku ŭ Burhdorf-Bajnchornie z 2007 hoda sa svaim mužam Chajka i siamju dziaćmi.
Heta nie pieršy incydent z vaŭkami ŭ hetym rajonie. Usiaho dziesiać dzion tamu try poni byli zarezanyja vaŭkami prykładna za šeść kiłamietraŭ ad Burhdorfa.
Ciapier u Nižniaj Saksonii naličvajecca 39 vaŭčynych zhraj z prykładna 350 žyviołami.
Ciapier čytajuć
Łukašenka pieraabuŭsia: Pozna ŭviečary Minsk pahruzili ŭ ciemru. Navošta? Ja ž ad vas hetaha nie patrabavaŭ4
Kamientary