Miadźviedzieŭ hatovy dajści da miežaŭ Polščy, kab «źniščyć nieanacyzm daščentu»
Dźmitryj Miadźviedzieŭ, namieśnik kiraŭnika Rady biaśpieki Rasii, zajaviŭ, što Rasija nie źbirajecca spyniacca ŭ «viartańni svaich terytoryj» i hatova «adsunuć miežy pahroz jak maha dalej».
«Hod, jak našy vajskoŭcy adnaŭlajuć paradak, mir i spraviadlivaść na našaj ziamli, abaraniajuć našych ludziej i źniščajuć karani nieanacyzmu», — zajaviŭ jon u svaim telehram-kanale.
«My vierniem našy terytoryi», — braviruje Miadźviedzieŭ.
A paśla Zachad prymusiać da pieramoŭ, piša jon.
«Potym, chutčej za ŭsio, pačniecca nie mienš składanaja para. Miesiacy i hady supraćstajańnia, jakoje źniasilvaje, isteryk i chamstva z boku tych, chto budzie kiravać ahryzkam, što zastaniecca ad Ukrainy. Ich niezajzdrosnaja dola».
Miadźviedzieŭ piša, što nielha dapuścić, kab «banderaŭcy znoŭ spravakavali kanflikt».
«Tamu tak važna dasiahnuć ŭsich metaŭ śpiecyjalnaj vajennaj apieracyi (tak prapahanda nazyvaje vajnu. — NN). Adsunuć miežy pahroz našaj krainie jak maha dalej, navat kali heta buduć miežy Polščy. Źniščyć nieanacyzm daščentu. Kab nie marnavać potym čas na adłoŭ reštkaŭ banderaŭskich band pa małarasijskich lasach. Kab śviet zdabyŭ doŭhačakany spakoj», — zaviaršaje pramovu Miadźviedzieŭ.
-
Na froncie zahinuŭ suzasnavalnik UNA-UNSO i były palitviazień Kramla Mikoła Karpiuk
-
Try najbujniejšyja mietałurhičnyja zavody Ukrainy spynili pracu paśla rasijskich atak. Cełaja halina pramysłovaści akazałasia pad pahrozaj
-
Dron ci balistyka? Što heta za «Pielikan», jakim siońnia ŭkraincy atakavali Maskvu
Ciapier čytajuć
Julijana Šamietaviec z «Kibierpartyzanaŭ» stała maci — raskazvaje pra dekretny adpačynak u ZŠA i toje, ci sapraŭdy možna sumiaščać pracu z maciarynstvam8
Kamientary