Hałoŭnaha redaktara «Rehijanalnaj haziety» abvinavačvajuć u «dyskredytacyi ŭłady»
Hałoŭnaha redaktara «Rehijanalnaj haziety» Alaksandra Manceviča abvinavačvajuć u «raspaŭsiudžvańni zaviedama iłžyvych źviestak, jakija dyskredytujuć Biełaruś i jaje orhany ŭłady». Pra heta paviedamlaje «Viasna» sa spasyłkaj na Śledčy kamitet.
Zhodna z materyjałami kryminalnaj spravy, Mancevič, źjaŭlajučysia dyrektaram redakcyi haziety, sumiesna ź inšymi asobami z 1 studzienia 2020 hoda pa 15 sakavika 2023 hoda raspaŭsiudžvaŭ u drukavanym vydańni i jaho interniet-resursach «zaviedama iłžyvyja źviestki, jakija dyskredytujuć Biełaruś i jaje orhany ŭłady».
«U artykułach źmiaščałasia niedakładnaja infarmacyja, nakiravanaja na pryčynieńnie istotnaj škody dziaržaŭnym i hramadskim intaresam, padryŭ aŭtarytetu krainy i jaje orhanaŭ ułady, naniasieńnie ŭronu nacyjanalnym intaresam, destabilizacyju abstanoŭki siarod hramadzian Biełarusi, farmavańnie iłžyvych ujaŭleńniaŭ ab nievykanańni ŭ respublicy pravoŭ i svabod hramadzian», — piša SK.
Manceviču inkryminavany art. 369-1 KK (dyskredytacyja Respubliki Biełaruś).
Ranicaj 15 sakavika ŭ Vilejcy ŭ domie hałoŭnaha redaktara «Rehijanalnaj haziety» Alaksandra Manceviča prajšoŭ pieratrus, jaho zatrymali. 24 sakavika jaho pieraviali ŭ śledčuju turmu ŭ Žodzinie.
Masavyja palityčnyja represii ŭ Biełarusi praciahvajucca z 2020 hoda, kali Alaksandr Łukašenka, miarkujučy pa źviestkach z učastkaŭ, dzie vybarčyja kamisii dazvolili naziralnikam sačyć za padlikam hałasoŭ, prajhraŭ Śviatłanie Cichanoŭskaj, ale nie addaŭ uładu. Z 2022 hoda, paśla napadu Rasii na Ukrainu, biełarusaŭ pačali praśledavać za antyvajennyja vykazvańni abo za simpatyi da Ukrainy, jakaja zmahajecca za svaju niezaležnaść i terytaryjalnuju cełasnaść. Za hety čas u krainie adbyłosia kala 50 tysiač palityčna matyvavanych zatrymańniaŭ, zaviedziena kala 12 tysiač palityčna-kryminalnych spraŭ i adkinutyja bazavyja normy zakonnaści i marali.
-
Staŭ viadomy prysud palitźniavolenamu fatohrafu z Mazyra. Vidać, jon paciarpieŭ pa spravie Hajuna
-
«Pa kalena ŭ hnoi i zarobak 200 rubloŭ». Žyviołavod z-pad Salihorska pakazaŭ svaju fiermu va ŭsioj krasie
-
«Radavod — heta linza, kab pahladzieć na historyju Biełarusi». Stvaralnik anłajn-kursa pa hienieałohii raskazaŭ, navošta ŭsio heta
«Pa kalena ŭ hnoi i zarobak 200 rubloŭ». Žyviołavod z-pad Salihorska pakazaŭ svaju fiermu va ŭsioj krasie6
Kamientary