U kamientach u Instagram moža adbycca pieradaziroŭka GIF-fajłami
Ciapier vy možacie prosta chutka pakinuć animacyju ŭ jakaści kamientara da paviedamleńnia ci videa zamiest taho, kab prymušać siabie što-niebudź napisać.
Mahčyma, ciomnyja časy nadyšli dla kamientaŭ u Instagram. Zaraz kožny achvotny zmoža zapampoŭvać GIF-fajły. Takim čynam, amataram pačytać kamientary ŭ Instagram pryjdziecca niasoładka: aproč miryjadaŭ emodžy z bakłažanami, u raździeł kamientaroŭ dadaduć jašče GIF-vyjavy z mopsami na arelach i z Łukašenkam, jaki kormić morkvaj Styviena Sihała (tak, jość i takoje).
Funkcyja raniej užo była ŭklučana dla niekatorych karystalnikaŭ u režymie abmiežavanaj dastupnaści. Ciapier Meta razbłakavała hetuju funkcyju dla hłabalnaha vykarystańnia, i jana pavinna ŭžo być dastupnaj dla ŭsich. GIF-fajły zapampoŭvajucca praź biblijateku Giphy, da jakoj možna atrymać dostup, nacisnuŭšy knopku novaha GIF-fajła, jakaja znachodzicca sprava ad pola dla ŭvodu kamientaroŭ.
Meta taksama vypuskaje novyja mahčymaści redahavańnia Instagram Reels, jakija dadalisia da novych funkcyj, padobnych da tych, što jość u TikTok. Zhodna z pres-relizam, vy zmožacie, naprykład, raździalać videa, paskarać ci zapavolvać jaho (režym słoŭ-mo).
Nahadajem, što ŭ krasaviku kampanija abviaściła pra vialikija źmieny, uniesienyja ŭ praces redahavańnia videa. Ciapier karystalniki mohuć naładžvać zahružanyja videaklipy, aŭdyja, nalepki i tekstavyja nakładki na adnym ekranie zamiest taho, kab rabić heta asobnymi etapami. Kadry, jakimi dzialiłasia kampanija ŭ pres-relizie, pakazvajuć funkcyju redahavańnia časovaj škały, padobnuju da toj, što jość u TikTok, jakaja dapamahaje vybudoŭvać aŭdyja— i videaklipy i robić pierachody bolš płaŭnymi.
Karystalniki Instagram taksama atrymajuć novy sposab pošuku papularnych videa. Abnaŭleńnie da taho ž uklučaje instrumienty dla stvaralnikaŭ, jakija dazvalajuć analizavać pradukcyjnaść ich kantentu i ŭzajemadziejničać z fanatami. Novy dadatak da prybornaj paneli analityki budzie pakazvać ahulny čas, praviedzieny aŭdytoryjaj za prahladam Reel-videa (uklučajučy paŭtory), a taksama siaredni čas prahladu, i budzie paviedamlać stvaralniku, kali novy padpisčyk znachodzić ich praz Reel-videa.
Ciapier čytajuć
Sprava Softkłuba: zatrymany patryjarch biełaruskaha IT Uładzimir Sirotka i niekalki top-mieniedžaraŭ. Jany padaryli nam ARIP15
Kamientary