Dačakalisia: źjaviŭsia biezrecepturny hiel dla lačeńnia erektylnaj dysfunkcyi

Lohkadastupnaje lekavańnie mužčynskaj erektylnaj dysfunkcyi (ED) narešcie stanovicca zdabytkam šyrokaj hramadskaści. U hetym miesiacy Upraŭleńnie kantrolu za charčovymi praduktami i miedykamientami ZŠA (FDA) dazvoliła realizacyju pieršaha biezrecepturnaha hielu dla lačeńnia ED. Padčas kliničnych vyprabavańniaŭ hiel kampanii Futura Medical dziejničaŭ na praciahu niekalkich chvilin, a jaho efiektyŭnaść možna paraŭnać z tabletkami, jakija adpuskajucca pa recepcie.

Futura Medical — brytanskaja farmaceŭtyčnaja kampanija, hałoŭnaj raspracoŭkaj jakoj ličycca zapatentavanaja hielevaja technałohija pad nazvaj DermaSy. Pradukt dla lačeńnia ED, zasnavany na hetaj technałohii, atrymaŭ kodavuju nazvu MED3000, ale budzie pradavacca pad nazvaj Eroxon. Recept dla jaho atrymańnia nie patrebny.

Eroxon utrymlivaje latučyja rastvaralniki, jakija vyparajucca pry naniasieńni na hałoŭku pienisa i spačatku stvarajuć efiekt chutkaha astudžeńnia, a zatym sahravańnia. U vyniku stymulujucca vielmi adčuvalnyja niervy, a zatym pavialičvajecca vypracoŭka aksidu azotu. Hetaja malekuła vykonvaje mnostva rolaŭ u arhaniźmie, u tym liku rassłablaje hładkuju muskułaturu i pavialičvaje prytok kryvi ŭ pienisie, što robić erekcyju mažlivaj.

Klučavoje kliničnaje daśledavańnie apošniaj fazy vyprabavańniaŭ, jakoje zabiaśpiečyła dazvoł FDA, uklučała kala 100 mužčyn ź lohkaj i ciažkaj formaj ED. Gizmodo paviedamlaje, što vyprabavańnie dasiahnuła ŭsich asnoŭnych i dadatkovych zadač, pry hetym hiel u siarednim značna palepšyŭ erektylnuju funkcyju paddoślednych. Choć hiel vyjaviŭsia ŭ cełym mienš efiektyŭnym, čym tadałafił (aktyŭny inhredyjent Sijalisa — papularnaha preparatu suprać ED), ale dziejańnie hielu adčuvałasia značna raniej: na ​​praciahu 10 chvilin. Zvyčajna dla pačatku dziejańnia tadałafiłu i padobnych preparataŭ patrabujecca nie mienš za paŭhadziny.

Pavialičyć

I choć abodva preparaty biaśpiečnyja dla pryjomu, mužčyny, jakija ŭžyvali Eroxon, mieli značna mienš pabočnych efiektaŭ. Hałaŭny bol — adnu z najbolš raspaŭsiudžanych pabočnych źjaŭ u vyprabavańni — adčuvali tolki 4% karystalnikaŭ Eroxon u paraŭnańni z prykładna 20% karystalnikaŭ tadałafiłu. Kala adnaho adsotka karystalnikaŭ Eroxon taksama paviedamili pra łakalizavanaje pačućcio piakoty.

Adabreńnie FDA — tolki adna ź niadaŭnich pieramoh kampanii i MED3000. Hiel užo atrymaŭ dazvoł u ES, Vialikabrytanii i niekatorych krainach Blizkaha Uschodu. Z tych časoŭ jahony prodaž byŭ zapuščany ŭ Vialikabrytanii, dzie ciubik na čatyry dozy kaštuje prykładna 30$. Čakajecca, što kampanija taksama raspačnie prodaž hielu ŭ kramach ES paźniej u hetym hodzie.

• 27
• 0
• 2
• 2
• 3
• 2
• 4
• 0