Upieršyniu ŭ historyi Biełaviežskaj puščy ŭ demanstracyjnaj valjery naradzilisia vaŭčaniaty
Pres-słužba Nacyjanalnaha parku «Biełaviežskaja pušča» paviedamiła pra naradžeńnie na jaho terytoryi piaciarych vaŭčaniat. Uvahu hetaja navina pryciahvaje tamu, što ŭpieršyniu para vaŭkoŭ pryviała prypłod u demanstracyjnych valjerach.
«Vołčata vyrośli niemnožko, a jesť iz bludca nie chotiat», — cytujuć viadomy vierš supracoŭniki nacyjanalnaha parku. — Usio pravilna — jany ž dzikija. I pavodziać siabie aściarožna. Z łohava vychodziać redka i pry lubym huku chavajucca nazad».
Pałavoj śpiełaści vaŭki dasiahajuć u 2-hadovym uzroście. Hon prachodzić u studzieni-lutym, a naradžeńnie dzicianiat — viasnoj. Ciažarnaść u vaŭčycy praciahvajecca krychu bolš za dva miesiacy.
U prypłodzie byvaje ad 4 da 12, zvyčajna 4-6 vaŭčaniat. Rastuć jany vielmi chutka. Vaŭčaniaty rańnich vyvadkaŭ užo ŭ kancy žniŭnia važać 10-12 kh.
U vychavańni dzicianiat biaruć adnolkava aktyŭny ŭdzieł i samica, i samiec. I choć u pieršyja tydni žyćcia vaŭčaniaty siłkujucca tolki matčynym małakom, užo ŭ miesiačnym uzroście małyja prahna jaduć napaŭpieratraŭlenuju miasnuju ježu, jakuju «hatujuć» im i maci, i baćka.
Ciapier čytajuć
Minski haradski sud nie vytrymlivaje nahruzki — nie paśpiavajuć sudzić palitviaźniaŭ7
Kamientary
toje kazała jašče maja maci... nazirajučy čarhovy raz, jak sparvajucca sabaki pad vaknom, skazała: "voś. tak robiać sabaki, vychavanyja čałaviekam, a vaŭki chavajucca"