Razhlad zakonaprajekta sa źmienami dla biełaruskich pradprymalnikaŭ adkłali na vosień
Zakonaprajekt sa źmienami dla indyvidualnych pradprymalnikaŭ «zatrymaŭsia» ŭ Pałacie pradstaŭnikoŭ. Jaho pryniaćcie adkłali na vosieńskuju siesiju, jak raskazaŭ vydańniu Office Life deputat Anatol Nasienia.
U ramkach zakonaprajekta čynoŭniki chočuć urezać śpis vidaŭ dziejnaści dla IP i pierahledzieć jaho dla samazaniatych. Pradprymalniki, dziejnaść jakich nie traplaje ŭ skaročany pieralik, buduć vymušanyja abo zakrycca, abo adkryć jurydyčnuju asobu. Apošniaje značna pavialičvaje vydatki na viadzieńnie dziejnaści.
U zakonaprajekcie prapanoŭvali vyklučyć ź pieraliku vidaŭ dziejnaści, jakimi mohuć zajmacca IP, aptovy handal, turystyčnyja pasłuhi i mnohija inšyja vidy dziejnaści.
Pavodle Anatola Nasieni, praz toje, što «ad dziaržaŭnych orhanaŭ pastupiła vielmi šmat prapanoŭ pa ŭdaskanaleńni zakonaprajekta, daviałosia pieranieści jaho pryniaćcie na vosień». U lubym vypadku jon nie nabudzie moc raniej za 1 studzienia 2024 hoda, jak prahnazuje Nasienia.
Raniej płanavałasia, što źmieny dla IP uviaduć z 1 lipienia 2023 hoda. Deputaty pryniali hety zakon u pieršym čytańni, ale da druhoha jon pakul jašče nie dajšoŭ. Uličvajučy ž toje, što parłamient u Biełarusi — čysta dekaratyŭny orhan i nijakich samastojnych rašeńniaŭ jon nie prymaje, a tolki praštampoŭvaje toje, što spuskajecca źvierchu, vidavočna, što sprava tut zusim nie ŭ parłamienckich pracedurach, a ŭ adsutnaści adzinstva nakont nieabchodnaści hetych, pa sutnaści, represiŭnych mier va ŭradzie i Administracyi Łukašenki.
«Hety praces nie spyniajecca». Jak rełakiejt biełaruskaha biznesu ŭpłyvaje na Biełaruś i susiednija krainy
Biełaruskim IP ułady pastupova ŭskładniajuć žyćcio. A na jakich umovach pracujuć pradprymalniki ŭ Polščy i Litvie?
Źmieny, jakija pieražyvuć nie ŭsie, a adčujuć mnohija. Što ŭłady rychtujuć dla IP
Ciapier čytajuć
Što viadoma pra zatrymanych radyjoamataraŭ, jakim pahražaje až da rasstrełu4
Kamientary