Na fatohrafa-amatara cpikiravaŭ cokał — atrymaŭsia redki kadr FOTA
«Takoje moža adbycca tolki raz u žyćci», — kaža Endzi Mar.
Brytanskamu fatohrafu-samavuku ŭdałosia zrabić redki fotapartret drapiežnaj ptuški pustalhi, jakaja lacieła prosta na jaho, piša Bi-bi-si.
Endzi Mar žyvie ŭ hrafstvie Kornuał, raźmieščanym na paŭdniovym zachadzie Anhlii.
Mar raspavioŭ Bi-bi-si, što adnojčy, kali jon zajmaŭsia svaim chobi, fatahrafujučy ptušak u palocie, adna ź ich vyrašyła rezka śpikiravać u jaho kirunku i adlacieła ŭbok tolki ŭ samuju apošniuju siekundu.
Heta była pustalha, taksama viadomaja jak maleńki sokał. Takich ptušak časta možna zaŭvažyć u Anhlii: jany lotajuć nad łuhami i vyšukvajuć palavych myšej i inšuju zdabyču.
Kali ptuška pačała imkliva źnižacca ŭ jaho bok, Mar navioŭ na jaje fotaaparat i zrabiŭ sieryju zdymkaŭ hetaha momantu.
Paźniej, kali fatohraf pierahladaŭ atrymanyja kadry, jon, pavodle jaho słoŭ, byŭ vielmi ŭražany tym, što jamu ŭdałosia sfatahrafavać.
Mar padkreśliŭ, što jamu vielmi pašancavała, što ŭ toj momant na kamiery byli vystaŭlenyja pravilnyja nastrojki.
«Sfatahrafavać ptušku ŭ palocie całkam mahčyma, heta nie zaŭsiody składana… ale zrabić taki kadr u ruchu — heta vialikaja redkaść, asabliva kali ptuška lacić prosta na vas. Takoje moža zdarycca tolki raz u žyćci», — dadaŭ fatohraf.
-
«My chacieli stvaryć vajb «Chłopčyk, harełački mnie pryniasi!» U Minsku pačała pracavać «Žanočaja piŭnaja» — aficyjanty tam adny mužčyny
-
Muž byłoj kiraŭnicy Ministerstva ŭnutranaj biaśpieki ZŠA lubić adziavać žanočaje i bambičnyja nakładnyja hrudzi
-
Biełaruska Alaksandra Borcič, jakaja zdymajecca ŭ Rasii, źmianiła akciorskuju prafiesiju
Kamientary
Kaki, vučycia mat,čaść.