Andrej Pačobut znachodzicca ŭ ŠIZA i nie atrymlivaje nieabchodnych lekaŭ
Stanovišča asudžanaha na vosiem hadoŭ žurnalista ciažkaje.
Andrej Pačobut znachodzicca ŭ ŠIZA i nie atrymlivaje nieabchodnych lekaŭ. Pra heta padčas štomiesiačnaj akcyi salidarnaści raspavioŭ vice-staršynia Sajuza palakaŭ Biełarusi Marek Zanieŭski. U razmovie z žurnalistami jon acaniŭ, što stanovišča Pačobuta ŭ kałonii ciažkaje, dziejač pa-raniejšamu znachodzicca ŭ ŠIZA.
«Siamja atrymlivaje ad jaho listy, ale ŭ vielmi abmiežavanaj kolkaści. Ź ich my viedajem, što jon usio jašče znachodzicca ŭ štrafnym izalatary, što jon pa-raniejšamu nie atrymlivaje lekaŭ, jakija jamu nieabchodnyja štodnia. My ŭsialakimi sposabami starajemsia daviedacca bolš i ŭsialak sačyć za situacyjaj», — skazaŭ Zanieŭski.
Andreja Pačobuta zatrymali 25 sakavika 2021 hoda i praz dva hady asudzili da vaśmi hadoŭ kałonii pavodle art. 361 KK (zakliki da dziejańniaŭ, nakiravanych na pryčynieńnie škody nacbiaśpiecy ) i art. 130 KK (raspalvańnie varožaści).
Padtrymajcie palitviaźnia: PK № 1, 211440, Navapołack, Techničnaja, 8, Andrej Stanisłavavič Pačobut.
Stała viadoma pra śmierć 22-hadovaha chłopca, jakoha asudzili pa palityčnaj kryminałcy2
Kamientary