Z 1 studzienia dva čałavieki luboha połu, jakija znachodziacca ŭ blizkich adnosinach i viaduć ahulnuju chatniuju haspadarku, jakija nie źjaŭlajucca pry hetym svajakami pa pramoj linii abo mužam i žonkaj, ale pry hetym zajavili pra hatoŭnaść kłapacicca adzin pra adnaho, zmohuć jurydyčna zaklučyć u nataryusa partniorskija adnosiny, piša Delfi.lv.
Da hetaha rašeńnia Siejm išoŭ amal čverć stahodździa. U čaćvier, 9 listapada, pry padtrymcy 53 hałasoŭ parłamient unios papraŭki ŭ vosiem zakonaŭ, jakija ŭvodziać u Łatvii novuju jurydyčnuju formu adnosin — instytut partniorstva.
Na praciahu 24 hadoŭ Siejm nieadnarazova razhladaŭ zakonaprajekty, jakija praduhledžvajuć uviadzieńnie instytuta partniorstva, ale nikoli nie davodziŭ zakanadaŭčaha pracesu da pryniaćcia rašeńnia. Ciapierašniaja sproba, jakaja narešcie ŭviančałasia pośpiecham — užo dziaviataja ź liku, nahadała kiraŭnica Ministerstva justycyi Inesa Libinia-Ehnere, čyjo viedamstva padrychtavała zaćvierdžanyja siońnia zakonaprajekty.
U červieni hetaha hoda anałahičnaje rašeńnie było pryniata ŭ Estonii.
Śpiavak Dźmitryj Kałdun pakazaŭ svaju minskuju kvateru niedaloka ad Drazdoŭ ŠMAT FOTA16
Kamientary