Adsutnaść istotnych źmienaŭ na linii rasijska-ukrainskaha frontu navodzić na dumku ab jaje mahčymym pierachodzie ŭ stadyju pazicyjnaj, padobnaj da Pieršaj suśvietnaj vajny. Nakolki takaja vierahodnaść mahčymaja?
Vajskovy ekśpiert Aleh Ždanaŭ vykazaŭ svajo bačańnie dalejšaha raźvićcia padziej na froncie ŭ situacyi, kali ni ŭ adnaho z bakoŭ niama ni sił, ni mahčymaściaŭ dla raźvićcia nastupu.
Pa słovach Ždanava, sapraŭdy isnuje pahroza pieratvareńnia vajny ŭ pazicyjnuju. Ale jaje ŭzrovień dastatkova mały. Jak tłumačyć ekśpiert, navat ciapier ukrainski bok viadzie mabilnuju abaronu: «Časam my pakidajem pazicyi, bo tam niama čaho ŭtrymlivać».
Va ŭkrainskaha boku jość rubiažy abarony, na jakija jon budzie abapiracca padčas abarončaj apieracyi. Ekśpiert spadziajecca na praciah pastavak techniki i ŭzbrajeńnia z boku partnioraŭ Ukrainy. Heta ŭ vyniku pavinna dazvolić nazapasić siły i srodki dla nastupalnaj apieracyi.
Ždanaŭ ličyć, što ŭ viadzieńni doŭhaj vajny nie zacikaŭleny nichto. «Navat Rasija dobra razumieje — čym daŭžej jana budzie vieści pazicyjnuju vajnu, tym chutčej vydychniecca».
Na dumku ekśpierta, mienavita hetym možna patłumačyć taki šalony temp nastupu rasijskaha boku.
«Stvarajecca ŭražańnie, što Rasija pajšła va-bank. Pakul nie skončacca siły, jany buduć sprabavać prałamać ukrainskuju abaronu. Užo adbyvajecca bolš za 100 bajavych sutyknieńniaŭ u sutki. Ukrainski bok sprabuje zaciahnuć praciŭnika ŭ pazicyjnuju abaronu, kab nanieści maksimalnyja straty. Pry hetym ukraincy imknucca manieŭravać vojskami dla taho, kab samim nie patrapić pad udar i źmienšyć straty».
Ždanaŭ upeŭnieny, što taki temp rasijskaha nastupu doŭha praciahvacca nie moža. Praciŭnik vydychniecca, i va ŭkrainskaha boku jość šaniec pierajści ŭ kontrnastup.
Čytajcie jašče:
Navošta ŭtrymlivać ukrainski płacdarm na levym bierazie Dniapra? Tłumačyć ekśpiert
Ciapier čytajuć
Biełpoł: «Epštejn nie dajechaŭ da Biełarusi». A kim byli baćki jaho kachanki Karyny Šulak?3
Biełpoł: «Epštejn nie dajechaŭ da Biełarusi». A kim byli baćki jaho kachanki Karyny Šulak?
«Ź mianie ničoha nie voźmieš, a ludzi paciarpieli». Para piensijanieraŭ druhi hod nie moža vypisać ź minskaj kvatery šmatdzietnuju siamju emihrantaŭ99
Kamientary