Chutkaja muzyčnaja dapamoha: doktar hraŭ pacyjentcy na fartepijana, čakajučy, pakul leki padziejničajuć
Minski doktar, jaki pracuje na «chutkaj dapamozie», viadzie akaŭnt u tyktoku, dzie krychu pakazvaje svaju pracu. Videa, na jakim jon hraje na fartepijana dla pažyłoj pacyjentki, nabrała niekalki socień tysiač prahladaŭ.
Mužčyna viadzie tyktok pad nikam ramiros86. Pieršaje muzyčnaje videa doktar vykłaŭ jašče napačatku hoda z podpisam «Kali stałym klijentam užo ničoha nie dapamahaje, akramia muzyki…». Miarkujučy pa ŭsim, bryhadu vyklikali dla pacyjentki pažyłoha ŭzrostu, jakaja skardziłasia na vysoki cisk — a doktar hraŭ, pakul čakaŭ, kali pačnuć dziejničać leki.
Rolik nabraŭ 271 tysiaču prahladaŭ, kala 10 tysiač łajkaŭ i sotni zachoplenych kamientaryjaŭ — ludziam vielmi spadabałasia ideja chutkaj muzyčnaj dapamohi. Niechta pažartavaŭ, što paśla takoha pośpiechu doktaru treba zaŭsiody ciahać z saboj fartepijana — hałoŭnaje, dakładna pamiatać adras vykliku, bo kryŭdna budzie marna ciahnuć instrumient na dziaviaty pavierch.
Adna žančyna pryhadała anałahičny vypadak sa svajho žyćcia: «Mnie bryhada vieršy čytała, tamu što nivodnaja balnica nie brała. Try hadziny vieršy čytali, pakul lahčej nie stała».
Učora, padobna, doktara znoŭ vyklikali ŭ tuju samuju kvateru. Svoj novy muzyčny vystup jon padpisaŭ tak: «Nu što ž, staryja znajomyja! Siońnia paprasiła šanson, pakul pracuje mahniezija…»
Čytajcie taksama:
Na mužčynu, jaki napaŭ na bryhadu chutkaj dapamohi ź siakieraj, zaviali kryminalnuju spravu
Hałoŭnaja doktarka minskaj balnicy rastłumačyła, čamu nievialikija zarobki ŭ miedykaŭ — heta dobra
Ciapier čytajuć
«Źviažyciesia z nami»: Prakopjeŭ napisaŭ kałonku dla «NN», u jakoj abhruntoŭvaje znachodžańnie Cichanoŭskaha ŭ Štatach i prosić hrošaj9
«Źviažyciesia z nami»: Prakopjeŭ napisaŭ kałonku dla «NN», u jakoj abhruntoŭvaje znachodžańnie Cichanoŭskaha ŭ Štatach i prosić hrošaj
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii1515
Kamientary