Hrošy, jakija achviaravali na reabilitacyju zhvałtavanaj u Varšavie biełaruski, viartajucca na rachunki. Ale zapuščany novy zbor
1 sakavika ŭ Varšavie pamierła 25-hadovaja zhvałtavanaja biełaruska Liza. Da aficyjnaha paćvierdžańnia śmierci jaje chłopiec Daniła zapuściŭ zbor na reabilitacyju i lačeńnie — historyja vyklikała šok u hramadstvie, tamu dosyć chutka było sabrana bolš za 500 tysiač złotych (kala 405 tysiač rubloŭ).
Siońnia hrošy pačali viartacca na rachunki achviaradaŭcaŭ. Servis taksama dasłaŭ usim na poštu paviedamleńni ź infarmacyjaj, što praces moža zaniać kala 7 dzion.
Heta toje, što i abiacała administracyja na etapie zboru — kali hrošy nie zmohuć pajści pa pryznačeńni, jany buduć viernutyja achviaradaŭcam.
Ale ciapier chłopiec Lizy zapuściŭ novy zbor, jaki musić pakryć raschody na pachavańnie:
«Pavodle praviłaŭ płatformy Pomagam.pl sabranyja ŭžo srodki nie mohuć być skarystanyja dla inšych met. Tamu my adkryvajem novy zbor na pakryćcio koštaŭ pachavańnia i pasłuh płatnaha jurysta, kab toj, chto zrabiŭ złačynstva, atrymaŭ maksimalnaje pakarańnie. Vašy danaty vy sami možacie pieranakiravać na novy zbor», — paviedamiŭ Daniła.
Nahadajem, što 6 sakavika ŭ pamiać 25-hadovaj Lizaviety ŭ Varšavie płanujuć pravieści «cichi» marš. Pachavajuć jaje taksama ŭ polskaj stalicy.
Śviedki raspaviali, čamu nie vyklikali palicyju padčas zhvałtavańnia biełaruski ŭ Varšavie
«My vinny joj». U Varšavie projdzie marš u pamiać ab zhvałtavanaj i zabitaj biełaruscy
«Mnie paščaściła. A Lizie — nie». Paśla śmierci biełaruski ŭ Varšavie ŭ siecivie šyrycca chešteh #chopićhvałcić — voś što pišuć
Ciapier čytajuć
«U vyniku jon skazaŭ mnie: «Chopić mianie šantažavać, ja chaču palubavacca hetymi drevami». Aksana Kołb raskazała, pra što razmaŭlała sa Statkievičam na miažy88
Kamientary