Sa znakamitaha «tankalota» Belavia źnikła zhadka hulni World Of Tanks
Telehram-kanał «Ot vinta | Aviacija Biełarusi» paviedamlaje, što sa znakamitaha «tankalota» — Boeing 737-300 (EW-254PA) — źnikła zhadka kampjutarnaj hulni World Of Tanks. Samalot u pierafarbavanaj liŭrei zaŭvažyli 29 krasavika.
Spasyłajučysia na ŭłasnyja krynicy ŭ aeraporcie, kanał piša, što pryčyna — zakančeńnie terminu arendy rekłamy.
Samalot byŭ brendavany ŭ liŭrei adnaho z najbujniejšych suśvietnych vydaŭcoŭ i raspracoŭščykaŭ hulniaŭ Wargaming z kanca lipienia 2016 hoda. U piaredniaj častcy fiuzielaža było napisana: pa pravym borcie — «World Of Tanks | The game from Belarus | Enjoyed worldwide», a pa levym — «World of Tanks Ihra iz Biełarusi | V kotoruju ihrajet vieś mir».
Uletku 2022 hoda zarehistravanaja na Kipry kampanija Wargaming pradała biznes u Biełarusi i Rasii. Ciapier hulnia nazyvajecca «Śviet tankaŭ», a raźvivaje jaje rasijskaja kampanija Lesta Games, u tym liku jaje minski ofis.
Vierahodna, taki ž los z časam napatkaje i «zubralot» (druhi brendavany samalot Belavia — Embraer ERJ-195 z rehistracyjnym numaram EW-400PO). Toj pačaŭ lotać va ŭnikalnaj liŭrei krychu paźniej, ź lutaha 2018 hoda. U paraŭnańni z «Boinham», u jaho admysłovym čynam dekaravany jašče i sałon: brendavanyja «tankami» padhałoŭniki kresłaŭ, adkidnyja stoliki na śpinkach siadzieńniaŭ i kaŭralinavaja darožka.
«Čamu ja pavinien dakazvać, što nie darmajed?» Pradprymalnika z Homiela pamyłkova zapisali ŭ niezaniatyja — jon daviedaŭsia tolki paśla vializnych rachunkaŭ za kamunałku16
Kamientary
lubimaja pucinskaja (i łukašenak) trasa płoskaja-płoskaja. zatoje jaki vielviet..)