«Biełavija» zapuściła čarhovy čartar u Jehipiet, adnak hetym razam na Mižziemnaje mora
Siońnia ranicaj pieršyja turysty prybyli na kurort El-Ałamiejn, raźmieščany na mižziemnamorskim uźbiarežžy Jehipta.
Raniej čartary lotali na Čyrvonaje mora: u Churhadu i Šarm-am-Šejch. Pieršy čartarny rejs u El-Ałamiejn byŭ zapoŭnieny na 100%.
Pres-słužba «Biełavii» piša, što Jehiptu dastałasia samaja pryvabnaja ŭ płanie klimatu častka Mižziemnaha mora. Za košt blizkaści da pustyni vilhotnaść pavietra tut nižejšaja, čym na mižziemnamorskich kurortach ŭ jeŭrapiejskaj častki. Z ulikam siarednich dzionnych tempieratur 30-32 hradusa heta robić El-Ałamiejn kamfortnym dla adpačynku letam.
Zaraz El-Ałamiejn aktyŭna zabudoŭvajecca. Tut šyrokija pryhožyja plažy z drobnym biełym piaskom i pakatymi ŭvachodami ŭ mory.
Zaznačajecca, što blizkaja adlehłaść da Kaira i Aleksandryi dazvalaje taksama sialicca ŭ hetych haradach.
Palotnaja prahrama zapłanavana da 4 kastryčnika ź pierśpiektyvaj padaŭžeńnia da listapada 2024 hoda na pieryjad vosieńskich kanikuł i budzie ažyćciaŭlacca na Boeing 737-800. Tury sfarmiravany na 10/11 načej z vyletami try razy na miesiac. Viza afarmlajecca ŭ aeraporcie pa prylocie, košt $25 za čałavieka.
Varta zaznačyć, što pad El-Ałamiejnam u hady Druhoj suśvietnaj adbylisia dźvie značnyja bitvy, paśla druhoj bitvy ŭvosień 1942 hoda niamieckija vojski stali pakidać Afryku
Ciapier čytajuć
Studentka, jakaja ŭciakła ad aryštu ŭ 2020-m, pracuje na krajniaj poŭnačy Narviehii i zrazumieła skandynaŭski recept ščaścia28
Studentka, jakaja ŭciakła ad aryštu ŭ 2020-m, pracuje na krajniaj poŭnačy Narviehii i zrazumieła skandynaŭski recept ščaścia
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier77
Kamientary