Haroch ź ćvillu i hurby ŭ chaładzilniku: u Breście KDK zakryŭ restaran i źniščyŭ 90 kiłahramaŭ praduktaŭ
Restaran nie budzie pracavać da likvidacyi niedachopaŭ.
Kantralory prypynili pracu adnaho z bresckich restaranaŭ paśla sumiesnaj z haradskim centram hihijeny, epidemijałohii i hramadskaha zdaroŭja pravierki.
Kamitet dziaržkantrolu paviedamlaje, što ŭ restaranie ŭ vytvorčaści vykarystoŭvałasia syravina i ježa z parušeńniem cełasnaści ŭpakoŭki, biez markiroŭki, najaŭnaści dakumientaŭ, jakija paćviardžajuć jaje jakaść i biaśpieku, minułymi terminami prydatnaści, jakaja straciła tavarny vyhlad. U pryvatnaści, na adnym z fota bačny haroch ź ćvillu.
Častka praduktaŭ zachoŭvałasia navałam u zabrudžanym łary, u prachodach biez padtavarnikaŭ, byli parušanyja praviły tavarnaha susiedstva.
U nizkatempieraturnaj marazilnaj kamiery (-18 S°) na praduktach utvarylisia hurby śniehavaj «futry» i lodu, anałahičnaja situacyja na ścienach, stoli i dźviarach maraziłki. Taksama była parušanaja technałohija pryhatavańnia ježy.
U vyniku, kantralory ŭtylizavali bolš za 90 kh praduktaŭ. Restaran budzie začynieny da likvidacyi ŭsich parušeńniaŭ.
Ciapier čytajuć
«A 4‑j hadzinie nočy my zrazumieli, što sierviery prosta vyčyščanyja». Jarasłaŭ Ivaniuk raskazaŭ padrabiaznaści pra ataku na anłajn-biblijateku «Kamunikat»1111
Kamientary