Jeŭrapiejski Sajuz pryniaŭ pastanovu pačać pieramovy z Armienijaj ab uviadzieńni biaźvizavaha režymu, piša Reuters.
«Heta vielmi važny etap u pahłybleńni partniorstva pamiž Armienijaj i ES, zasnavany na ahulnych kaštoŭnaściach i pryncypach», — zajaviŭ ministr zamiežnych spraŭ Armienii Ararat Mirzajan.
Jeŭrasajuz taksama prapanavaŭ Jerevanu vajskovuju dapamohu ŭ pamiery 10 młn jeŭra.
«Metaj dapamohi źjaŭlajecca ŭmacavańnie materyjalna-techničnaha patencyjału Uzbrojenych sił Armienii i sadziejničańnie palapšeńniu abarony cyvilnaha nasielnictva ŭ kryzisnych i nadzvyčajnych situacyjach», — havorycca ŭ paviedamleńni na sajcie Rady Jeŭrapiejskaha Sajuza.
Źmiena vizavaha režymu dazvolić hramadzianam Armienii rabić karotkaterminovyja vizity ŭ krainy Šenhienskaj zony. Anałahičnyja praviły ŭžo dziejničajuć u vypadku Małdovy, Ukrainy i Hruzii.
U ES udakładnili, što biaźvizavy režym budzie ŭviedzieny tolki paśla taho, jak Jerevan dasiahnie peŭnych «kantrolnych pakazčykaŭ». Hety praces moža zaniać niekalki hadoŭ.
U sakaviku 2024 hoda Jeŭraparłamient pryniaŭ rezalucyju z prapanovaj razhledzieć mahčymaść nadańnia Armienii statusu kandydata na ŭstupleńnie ŭ ES. Siarod inšaha ŭ dakumiencie zhadvałasia rašeńnie krainy zamarozić udzieł u ADKB. Aŭtary rezalucyi padkreślivali, što takim čynam kraina sprabuje pamienšyć svaju zaležnaść ad Rasii.
Kamientary
Heta eŭrasssr nie zrabiŭ dziela pryhonnych staršyni biaźvizu i ŭsialak ŭskładniaje ŭcioki.
Što da zhadanych ŭ navinie pieramovaŭ. Vy razumiejecie, što pieramovy pra psavańnie, paharšeńnie biaźvizu, jaki nia vymahaje pieramovaŭ?