Hruzija admoviła biełaruskamu pravaabaroncu ŭ statusie ŭciekača
Raman Kiślak čakaŭ adkazu hruzinskich uładaŭ bolš za hod, piša «Pozirk».
Hruzinskija ŭłady admovili biełaruskamu pravaabaroncu Ramanu Kiślaku ŭ mižnarodnaj abaronie.
Rašeńnia pa svaim kiejsie jon čakaŭ bolš za hod. Pa słovach Kiślaka, u adkazie Departamienta mihracyi MUS Hruzii skazana, što jon zadavalniaje kryteram, vyznačanym Ženieŭskaj kanviencyjaj «Ab statusie biežanca» i zakonu Hruzii «Ab mižnarodnaj abaronie», što tyčacca prysudžeńnia statusu biežanca, adnak «jość dastatkovyja padstavy dla dapuščeńnia», što jaho znachodžańnie tam moža «supiarečyć intaresam krainy».
«Hruzija ličyć, što ja źjaŭlajusia pahrozaj nacyjanalnaj biaśpiecy. Heta častkova čakana. My śviadoma pajšli na pikiety (u traŭni ŭ Tbilisi Kiślak zładziŭ akcyju suprać doŭhaha razhladu prašeńniaŭ ab prytułku. — zaŭv.), paskoryli pracesy», — skazaŭ Kiślak.
Pravaabaronca budzie abskardžvać rašeńnie hruzinskich uładaŭ u sudzie.
Uskładniaje situacyju biełarusa toje, što ŭ jaho ŭžo skončyŭsia termin dziejańnia biełaruskaha pašparta, taksama minuŭ termin dziejańnia i hruzinskaha časovaha paśviedčańnia asoby. Pavodle źviestak Kiślaka, takaja ž prablema ŭ inšych biełarusaŭ, u jakich skončylisia terminy dziejańnia pašpartoŭ za čas razhladu spraŭ ab prytułku.
Admović u statusie ŭciekača pa zakonie mohuć u toj situacyi, kali «majucca dastatkovyja padstavy mierkavać, što asoba, jakaja šukaje prytułak, maje suviaź z uzbrojenymi siłami krainy abo arhanizacyi, varoža nastrojenaj u dačynieńni da abarony i biaśpieki Hruzii», raźviedkaj inšaj krainy, «terarystyčnymi abo ekstremisckimi arhanizacyjami», «inšymi złačynnymi arhanizacyjami (u tym liku z transnacyjanalnymi złačynnymi arhanizacyjami)» abo «niezakonnym abarotam uzbrajeńniaŭ, zbroi masavaha źniščeńnia abo ich kampanientaŭ».
Brendavaja sumačka za $4 tysiačy i bryljanty. Vice-mis Biełarusi Alija Karotkaja schadziła ź siabroŭkaj pajeści dranikaŭ7
Brendavaja sumačka za $4 tysiačy i bryljanty. Vice-mis Biełarusi Alija Karotkaja schadziła ź siabroŭkaj pajeści dranikaŭ
Na Afonie adšukali try nieviadomyja raniej asobniki Astrožskaj Biblii. Dla jaje stvareńnia drukar Ivan Fiodaraŭ, vychadziec ź Biełarusi, vykarystoŭvaŭ teksty Skaryny66
Kamientary