Kačanava: U našym turbulentnym śviecie niama takoj dziaržavy, dzie b tak dumali pra ludziej, jak u Biełarusi
«Nie treba ludziej kryŭdzić», — padkreśliła jana.
U našym turbulentnym śviecie niama takoj dziaržavy, dzie b tak dumali pra ludziej, jak u Biełarusi. Takim mierkavańniem padzialiłasia staršynia Savieta Respubliki Natalla Kačanava na vyjaznym pašyranym pasiadžeńni prezidyuma Savieta Respubliki ŭ Kiraŭskim rajonie pa pracy sa zvarotami hramadzian i jurydyčnych asob u Mahiloŭskaj vobłaści, piša BiełTA.
Natalla Kačanava padkreśliła, što dadzienyja ludziam abiacańni treba vykonvać. U słužbovych asob pavinna być pierajemnaść u hetym pytańni: nie važna, chto z kiraŭnikoŭ, papiarednich ci ciapierašnich, daŭ abiacańnie, u lubym vypadku jaho treba vykonvać. Tym bolš čaściakom rašeńnie takich pytańniaŭ nie patrabuje vialikich namahańniaŭ.
«Samaje drennaje, kali ludziam dajucca abiacańni i nie vykonvajucca, — padkreśliła jana. — Nie treba ludziej kryŭdzić — jany ŭsie vydatna viedajuć i razumiejuć, kali ź imi razmaŭlać. Usio lažyć u płoskaści miascovaj ułady, i navat u bolšaj stupieni deputataŭ, jakija pracujuć u haradach i rajonach», — padkreśliła jana.
Naprykład, kali pieranosiacca terminy kapramontu doma — važna sabrać miascovych žycharoŭ i prosta pahavaryć ź imi, bo ludzi chočuć viedać praŭdzivuju infarmacyju. Taksama nie varta stvarać precedenty i hlebu dla novych zvarotaŭ. «Rabić kapitalny ramont doma i nie vyrašać pytańni haračaha vodazabieśpiačeńnia — tak być nie moža ŭ XXI stahodździ: u nas jość sacyjalnyja standarty, — adznačyła Natalla Kačanava. — My płanujem kapitalny ramont doma, robim fasady i inžyniernyja kamunikacyi, ale nie vyrašajem pytańnie z haračaj vadoj. Heta nie ŭvachodzić u kapramont, a ličycca ŭžo madernizacyjaj. Niapravilna dumać, što zakon nielha źmianić ni pad jakoj padstavaj — my ŭnosim źmieny i dapaŭnieńni ŭ hetyja narmatyŭnyja akty».
Ciapier čytajuć
Rasijanie sapraŭdy stali čaściej kuplać nieruchomaść u Biełarusi? Voś što raskazvajuć ryełtary4
Rasijanie sapraŭdy stali čaściej kuplać nieruchomaść u Biełarusi? Voś što raskazvajuć ryełtary
Basist «Piatli», jaho 18‑hadovy syn i zorka «Raźbitaha serca pacana» — raskazvajem pra biełaruskamoŭny hurt Prypiać, jaki prezientavaŭ aŭtarskuju «Kałychanku»1010
Basist «Piatli», jaho 18‑hadovy syn i zorka «Raźbitaha serca pacana» — raskazvajem pra biełaruskamoŭny hurt Prypiać, jaki prezientavaŭ aŭtarskuju «Kałychanku»10
Niebaraka ź Lachavičaŭ źnik «na SVA» ŭžo na treci dzień, a ŭ baraćbie za hrabavyja sčapilisia siastra, sužycielka i žonka — z čatyrma dziećmi, ale čužymi88
Kamientary