Listy palitviaźnia Vacłava Areški z turmy napisanyja čužoj rukoj
Aktyvist prafsajuza REP (Biełaruski prafsajuz rabotnikaŭ radyjoelektronnaj pramysłovaści) Vacłaŭ Areška— adzin z samych uzrostavych palityčnych viaźniaŭ u Biełarusi: u studzieni budučaha hodu jamu spoŭnicca 70, nahadvaje Radyjo Svaboda.
Za kratami Vacłaŭ z 19 krasavika 2022 hoda. Amal praz hod, u studzieni 2023-ha, Vacłaŭ Areška byŭ asudžany na 8 hadoŭ źniavoleńnia va ŭmovach uzmocnienaha režymu. Siarod piaci artykułaŭ Kryminalnaha kodeksu, pavodle jakich asudzili aktyvista, byŭ artykuł 361-1 pra stvareńnie «ekstremisckaha farmavańnia» i ŭdzieł u im. Hetkim farmavańniem biełaruskija ŭłady pryznali prafsajuz REP, jak i inšyja niezaležnyja prafiesijnyja abjadnańni.
Spačatku adbyvać pakarańnie Vacłava Arešku adpravili ŭ kaloniju № 17 u Škłovie, a ŭ śniežni 2023 hodu pieraviali ŭ PK-22, kaloniju «Voŭčyja nory» pad Ivacevičami.
Viadoma, što ŭ kałonii Vacłaŭ Areška nie pracuje, časta źviartajecca pa dapamohu da daktaroŭ.
Svajačka aktyvista, jakaja žyvie za miažoj, paviedamiła pra jahony stan zdaroŭja:
«Na žal, niama dobrych navin ab zdaroŭi. U jaho rassłajeńnie sietkavicy voka, katarakta i hłaŭkoma. Pisać damoŭ jamu ciapier dapamahajuć inšyja źniavolenyja, tamu listy ad jaho napisanyja čužoj rukoj, a sam jon nie moža pacelić u liniejki.
Listy dachodziać, jość zvanki raz na niekalki tydniaŭ. Čym zajmajecca ŭ volny čas? U jaho jość pavieličalnaje škło, i ź jaho dapamohaj jon sprabuje čytać knihi, jakija biare ŭ biblijatecy», — raskazała svajačka palitviaźnia Vacłava Areški.
U kancy žniŭnia na volu pa pamiłavańni vyjšaŭ lidar prafsajuza REP Vasil Bieraśnioŭ, jaki maje ŭzrost 74 hady i taksama, jak i Vacłaŭ Areška, vialikija prablemy sa zdaroŭjem.
Svajaki Vacłava Areški kažuć, što raźličvali ŭbačyć jaho ŭ dvuch śpisach pamiłavanych palitviaźniaŭ, jakija vyjšli na volu z taho času.
Tolki žminda i lanivy nie padtrymlivaje «Nivy»! Vy možacie za chvilinu padtrymać «NN» padachodnym, nie patraciŭšy ni kapiejki svaich5
Kamientary