Valfovič: Prykmiet raźviazvańnia ahresii suprać Biełarusi pakul nie vidać
Dziaržaŭny sakratar Rady biaśpieki Alaksandr Volfovič pryznaje, što Polšča i krainy Bałtyi nie rychtujuć napad na Biełaruś.
Dziaržaŭny sakratar Rady biaśpieki Biełarusi Alaksandr Volfovič pakul nie bačyć prykmiet raźviazvańnia ahresii ŭ dačynieńni da Biełarusi.
Adkazvajučy na pytańnie ab vierahodnaści eskałacyi situacyi, Alaksandr Volfovič u efiry «Biełaruś 1» skazaŭ, što vyklučać jaje nielha.
«Na siońnia, pa mienšaj miery, my nie bačym tych prykmiet, jakija pahražali b Respublicy Biełaruś i śviedčyli b pra raźviazvańnie jakoj-niebudź patencyjnaj ahresii suprać nas. Na dadzieny momant ich niama. Ale kolkaść vučeńniaŭ i tyja kroki, jakija robić kaalicyja zachodnich krain, biezumoŭna, nie dadajuć spakoju», — adznačyŭ Valfovič.
Jon taksama zhadaŭ rašeńni kamiteta načalnikaŭ štaboŭ, zhodna ź jakimi było pryniata rašeńnie ab značnym pavieličeńni vajennych biudžetaŭ šerahu krain, u tym liku najbližejšych susiedziaŭ Biełarusi — Polščy i krain Bałtyi.
«Heta značyć, vydatki, jakija Polšča, Litva, Łatvija płanujuć vydatkavać na vajennyja patreby, zaškalvajuć za razumnyja miežy. U hetym niama nijakaj absalutna nieabchodnaści», — padkreśliŭ dziaržsakratar Rady biaśpieki.
Na dumku Valfoviča, «u susiednich krainach bačać, što z boku Biełarusi im nie pahražaje nijakaja niebiaśpieka, u tym liku vajennaja».
Ciapier čytajuć
«Biełaruś pieradusim». Što viadoma pra 23‑hadovaha aficera śpiecnaza, jakoha asudzili na 19 hadoŭ za «zdradu dziaržavie»7
Kamientary