Śpiecapieracyja jak ź izrailskimi piejdžarami: rasijskim apierataram dronaŭ padaryli zaminiravanyja akulary
U pačatku lutaha adbyłosia niekalki dyviersij u roznych padraździaleńniach Uzbrojenych sił Rasii, sutnaść jakoj była ŭ dystancyjnym padryvie akularaŭ dla FPV-dronaŭ.
U pieryjad studzień-luty 2025 hoda šeraham hramadskich arhanizacyj było adpraŭlena kala 80 kamplektaŭ FPV-akularaŭ «Skyzone Cobra» u roznyja padraździaleńni US RF. Usie arhanizacyi atrymali tavar ad adnaho i taho ž čałavieka, na ŭmovach biazvypłatnaj dapamohi dla US RF, piša «Daśje špijona».
4 lutaha zafiksavany pieršy vypadak padryvu samarobnaj vybuchovaj pryłady, schavanaj u akularach, na terytoryi Biełharodskaj vobłaści. Vajskoviec atrymaŭ traŭmy tvaru i vačej.
Z 4 pa 7 lutaha zafiksavana jašče 7 vypadkaŭ padryvu pryład na terytoryi Kurskaj, Łuhanskaj i Danieckaj abłaściej. Unutry FPV-akularaŭ vyjaŭlena vybuchovaje rečyva S-4, detanatar i batareja. Spracoŭvaje pryłada pry zapusku vientylatara achaładžeńnia ŭ akularach.
U dadzieny momant pravodzicca pošuk i kanfiskacyja «zaminiravanych» akularaŭ. Adpraŭnik pasyłak 3 lutaha pakinuŭ Rasiju rejsam Maskva — Stambuł.
Nahadajem, što ŭ vieraśni ŭ Livanie adbyłasia sieryja vybuchaŭ piejdžaraŭ, jakija «Chiezbała» vykarystoŭvała dla apieratyŭnaj suviazi. Na nastupny dzień anałahičnym čynam pačali vybuchać racyi. U vyniku vybuchaŭ zahinuli jak minimum 37 čałaviek, u tym liku dzieci, a kala troch tysiač atrymali ranieńni.
Ciapier čytajuć
«Jana nie vyhladała ščyraj, była ŭ mascy». Paŭlučenka pra sustreču Kaleśnikavaj ź biełaruskimi žurnalistami3
Kamientary