Jozef Mihaš znoŭ stanie pasłom Słavakii ŭ Biełarusi, paviedamili ŭ departamiencie kamunikacyj Ministerstva zamiežnych spraŭ Słavakii infarmacyjnamu ahienctvu TASR.
«Słavackaja Respublika zacikaŭlena ŭ praktyčnym supracoŭnictvie z kožnaj krainaj śvietu. Tamu my chočam adnavić kanstruktyŭny dyjałoh ź biełarusami jak na dvuchbakovym, tak i na šmatbakovym uzroŭni, bo siońnia nieabchodna dać prastoru dypłamatyi, dyjałohu i pieramoŭnamu pracesu, kab dasiahnuć pieršych vynikaŭ, naprykład, u nadzvyčaj važnym mirnym pieramoŭnym pracesie i jak maha raniejšym zaviaršeńni vajny va Ukrainie», — skazaŭ ministr zamiežnych spraŭ Juraj Błanar.
U ministerstvie zajavili, što Biełaruś źjaŭlajecca ekanamičnym i palityčnym partnioram u Centralnaj i Uschodniaj Jeŭropie. «Pastupova Słavakija moža raźvivać bazavaje supracoŭnictva ŭ handli, sielskaj haspadarcy, kultury i adukacyi», — dadali ŭ ministerstvie.
Mihaš zajaviŭ, što pasolstva Słavakii taksama budzie praciahvać akazvać jakasnyja konsulskija pasłuhi hramadzianam Słavakii ŭ Biełarusi. «Siońnia my taksama nazirajem pavyšanuju zacikaŭlenaść z boku hramadzian Biełarusi ŭ navučańni ŭ słavackich univiersitetach. Kala 10 000 biełarusaŭ pražyvajuć u Słavakii, i jany źjaŭlajucca mostam uzajemarazumieńnia pamiž našymi dźviuma nacyjami», — adznačyŭ Mihaš.
Mihaš byŭ pasłom u Biełarusi ŭ 2016-2020 hadach. 9 maja 2020 hoda, niahledziačy na raspaŭsiudžvańnie COVID-19 u Biełarusi, Mihaš braŭ udzieł va ŭračystaściach u Minsku z nahody Dnia Pieramohi.
U MZS Słavakii paličyli, što pasoł parušyŭ pryncypy kamunikacyi sa štab-kvateraj, nie raskryŭšy svajho namieru. U vyniku Jozef Mihaš padaŭ u adstaŭku, jakaja była pryniata.
Paźniej Alaksandr Łukašenka nazvaŭ toje, što adbyłosia, mižnarodnym skandałam, a jašče paźniej Mihaš byŭ uznaharodžany ordenam Skaryny.
-
«A Łukašenka nie ŭ kursie, adkul byŭ napad na hetu asfaltavanuju darohu?» U vioscy praviali viełaprabieh — ale ŭsia ŭvaha dastałasia darozie
-
Miljanier Varabiej atrymaŭ prava na zabudovu centra Minska — uzamien za darahuju kliniku dla Łukašenki
-
Minčuki ŭ čacie paskardzilisia na pracu palikliniki. Prapahanda abvinavaciła ŭ čerhach samich naviedvalnikaŭ
Ciapier čytajuć
Miljanier Varabiej atrymaŭ prava na zabudovu centra Minska — uzamien za darahuju kliniku dla Łukašenki7
Kamientary