Jeŭrapiejskija dypłamaty pryjechali da budynka suda, dzie sudziać Ninu Bahinskuju
Jeŭrapiejskija dypłamaty pryjechali siońnia, 30 maja, da budynka suda Savieckaha rajona Minska, dzie siońnia sudziać 78-hadovuju Ninu Bahinskuju.
«Siońnia ŭ adnym ź minskich sudoŭ adbyłosia słuchańnie pa spravie 78-hadovaj Niny Bahinskaj. Abvinavačańni, vyniesienyja suprać jaje, niespraviadlivyja i palityčna matyvavanyja. Pradstaŭniki dypłamatyčnych misij u Biełarusi siońnia ŭ čas słuchańnia pryjechali da budynku suda, kab vyrazić salidarnaść ź Ninaj Bahinskaj», — havorycca na staroncy Pasolstva Hiermanii ŭ Biełarusi.
Ninie Bahinskaj stviać u vinu artykuł342 č. 2 (nieadnarazovaje parušeńnie zakona ab praviadzieńni masavych mierapryjemstvaŭ), a asnovu abvinavačańnia składajuć administracyjnyja pratakoły i sudovyja pastanovy za 2024 hod.
78-hadovuju Ninu Bahinskuju zatrymlivali dziasiatki razoŭ. Z-za šmatlikich štrafaŭ u žančyny adabrali lecišča i ziamielny nadzieł, a piensiju jana hadami atrymlivaje nie ŭ poŭnym abjomie.
Nina Bahinskaja maje šerah ciažkich zachvorvańniaŭ i maje patrebu ŭ svoječasovym miedyčnym lekavańni. U turemnych umovach jaje žyćciu moža pahražać surjoznaja niebiaśpieka.
Žančynie pahražaje da troch hadoŭ źniavoleńnia.
-
«Peŭnaje nieparazumieńnie». U Cichanoŭskaj abvierhli infarmacyju, što vyzvaleńni palitviaźniaŭ «adkładzienyja na niekatory čas»
-
U Breście jašče nie paśpieli zdać novy abstalavany plaž, a jaho ŭžo naviedali vandały
-
«Usiaredzinie absalutna hniłyja». Biełarusy niezadavolenyja jakaściu ekzatyčnaj sadaviny z Vjetnama ŭ kramach
Nivodnaha minskaha, homielskaha, italjanskaha ci francuzskaha. Zatoje ŭ Mahilovie budujuć užo čaćviorty rasijski dvoryk, hetym razam — ź miadźviedziem1313
Kamientary