Ministerstva adukacyi apublikavała patrabavańni da dziełavoha stylu adzieńnia školnikaŭ. Dakumient źjaviŭsia na Nacyjanalnym pravavym internet-partale.
Zhodna z novym aznačeńniem, dziełavy styl adzieńnia — heta «strohi strymany styl adzieńnia, jaki moža ŭklučać ahulnyja (adnolkavyja) elemienty školnaj formy z raźmiaščeńniem na adnym z elemientaŭ emblemy ŭstanovy ahulnaj siaredniaj adukacyi (pinžaku, kamizelcy, sarafanie, sukiency)».
Tak, dla chłopčykaŭ u dakumiencie prapisany nastupnyja varyjanty adzieńnia: pinžak, kamizelka, štany, kašula z karotkimi i doŭhimi rukavami, vadałazka, halštuk.
Dziaŭčynkam dazvolena nasić pinžaki, kamizelki, spadnicy, štany, błuzki z karotkimi i doŭhimi rukavami, vadałazki, sarafany i sukienki.
— U zimovy čas u kamplekt dziełavoha stylu adzieńnia moža ŭvachodzić trykatažny švedar, — paviedamlaje ministerstva.
Kamientary